2 Timote 4:2 - Bible azumeina

² Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

2 Timote 4:2 Kruisverwysings

Sawal la giled’a 40:9

Alo mana, tan lan djivid’a á le min manga, gat manga nga kurun krovo mi.

Jonas 3:2

Ang tchol ang i Ninif kur azì ma ngolâ, ang dazi zla d’a an dangzid’a.

Wana ni Zla d’a Djivi d’a Luc mi b’irita 7:23

Sama le nga hur ma mbàmbàna kan nduo na mi le furîd’a.

Wana ni Zla d’a Djivi d’a Luc mi b’irita 7:4

A mbaza gen Jesus, a tchenem ki labiyad’a ala: Sa máma ndak ang ndjunumu,

Wana ni Zla d’a Djivi d’a Luc mi b’irita 9:60

Wani Jesus mi dum ala: Ar suma matna a tos mat mazina, wani ang i tchi wala yam leud’a hAlonid’a.

Sunda hi suma a sunuzinid’a 13:5

Kid’a a mbaza Salamin-nda, a nde tchi wal zlad’a hAlonid’a kur gongîyo suma toka hi Juif-fîna. Jean Marik mi nga ki sed’ezi á ndjunuziya.

Sunda hi suma a sunuzinid’a 16:13

Kur bur ma sabatna, ami buzugumi woi avun azina á imi avun aluma. Ami djib’eremi ala ami fami ni yima tchen Alona yam Juif-fâ. Ami kagami kä, nga dami zlad’a marop suma a nga toka kuana.

Sunda hi suma a sunuzinid’a 20:7

Kur bur ma dimasâ, kid’a ami nga toka á mbruk avungônid’a, Paul mi had’azi zlad’a ngola. Kayam mi nga hurum ala le yina mi fo wa ni, mam iya, mi dazi zlad’a gak andjege dangâla.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.

Kolos-sâ 1:25

Ni hina ba, an mbut ma sunda hi Tok ndatina. Ni sun nda Alona mi handji kagi á tchi wal zla mamba woi abu teteta,

Kolos-sâ 4:3

Ar agi tchenegi Alona kami mi kayam mi malami lovota á tchami wal zla ndata, á vami ad’u zla d’a mudurid’a hi Christ-sa woi abu mi. Ni kat ba, a gan dangeina.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

1 Tasaloni’â 5:20

Agi gologi zla d’a djok vuna hi suma djok vun Alonid’a is si.

1 Timote 4:13

Ang ndum mbaktumba hAlonid’a avok suma pet, ang tchazi wala, ang had’azi gak mba manda.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.

2 Timote 2:21

Le sama wal tam mbei kahle suma tcho suma an dang kazina ni, mam mba mi mbut ni dei ma djivi ma Salama mi ndak á le sun nda djivi d’a lara ge pet ki sed’ema.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Wana ni mbaktum mba Paul mi b’irit mi Tit-ta 1:13

Glangâs mama ni gagazi. Kayam ndata, ar ang ngobozi ad’enga, kayam azi mbut ni suma d’ingêrâ kur he gagazid’a.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Hebre-na 13:22

Wani b’oziyona, an nga ni tchenegiya, agi humugi zla d’a giget ndata ki ve tad’a, kayam zla d’a an b’irigizid’a ti nga fiyak ki.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.