2 Timote 3:2 - Bible azumeina

² Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.

2 Timote 3:2 Kruisverwysings

Sawal la giled’a 10:3

Sama asa’atna nga mi subur tam yam tamu, sama hal ahlena hi sumina nga mi ngulung ang Ma didina, nga mi golong is mi.

Sawal la giled’a 49:6

Ni kayam me ba, an le mandarâ kur bur ma ndaka ata yima man suma djangûna a nguyuna ge?

Sawal la giled’a 52:1

Ni sawal la gile d’a David mi hlat mi hat mi ma ngolâ hi suma hle sawalina.

Zla d’a d’ogolâ 6:17

Hle yam mba akulod’a, zla d’a kad’a, tchi d’a tchi suma bei zlad’a kazinid’a,

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Matiye 15:6

Kayam ndata, agi mbud’ugi Zlad’a hAlonid’a woi vama hawana yam hata hi simiyêgi suma adjeunid’a.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Sunda hi suma a sunuzinid’a 5:36

Kayam le nga burâ ngol luo tua Teudas mi tchol mi dala mam ni va, mi ka suma ad’um d’igi kikis fid’i na. A tchumu, suma pet suma a ge yazi kä ad’uma a b’rau woi yayak, a mbut vama hawana.

Romê-na 11:18

Ni kayam me ba, ang gol abo ma kam mbeina is ke? Wani le ang subur tangû ni, ang we djiviya; ni ang ba, nga zi sideina d’i, wani ni sideina ba, nga mi zingû.

2 Korente-na 5:15

Mi mit ni yam suma pet, kayam suma a nga kaka karid’ina a nga kaka karid’a ni yam tazi d’i, wani ni yam mam ma mi mit mi tchol akulo kazina.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

1 Timote 1:9

Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

1 Timote 6:4

ni sama yam mba ad’enga, mi we nga va d’i. Mi tin hurumî yam tuguyo d’a tchid’a ki ngengâ, ni zla d’a nga d’i mba ki yungôra ki huneîd’a ki ngula ki djib’er ra tchod’a,

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Jacques 2:8

Gagazi, le agi nga tid’igi yam vun ma hed’a hamulîna memet d’igi vun ma he máma mi de na ala: Ang le yam ndrangâ d’igi ang tanga na ni, agi lagi djiviya.

Jacques 4:16

Wani ki tchetchemba, agi nga suburugi tagiya, agi nga lagi yam mba ad’enga. Andjaf subur ta d’a hina d’a ni tchod’a.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Vama ndum mbeina 13:1

Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Vama ndum mbeina 16:11

Azi nga ngul Alo ma akulona abo pupuluk mazid’a, abo mbil mazina, wani azi min mbut huruzi yam sun mazi d’a tchod’a d’i.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 16:9

Suma a ngal lei abo huwaka haku ndata. Azi ngul simiyê Alo ma nga kad’enga yam tugud’ei d’a tcho ndatina, azi mbut nga huruzi yam tcho mazid’a á subur Alona d’i.