2 Timote 1:10 - Bible azumeina

¹⁰ Wani ki tchetchemba, Alona mi nde wa suma ndata woi yam mbad’a hi Ma sud’ina Jesus Christ-sa. Kayam Jesus Christ mi kus yam matna, mi nde ari d’a bei dabid’a ba d’a woi abu pî d’a yam Zla d’a Djivid’a.

2 Timote 1:10 Kruisverwysings

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 45:15

Ang Alona hi Israel-lîna, angî ma sut suma. Gagazi, angî Alo ma nga ngeid’ina.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Wana ni mbaktumba hi Oze-d’a 13:14

An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

Wana ni Zla d’a Djivi d’a Luc mi b’irita 11:36

Le hliwing pet b’od’a ni, yima ding ma ar nduvundina nga d’i, wani hliwing pet ni kur b’od’a d’igi lalamba nga d’i b’o kang na mi.

Wana ni Zla d’a Djivi d’a Luc mi b’irita 13:7

Mi de mi sama ngom asine ma guguzlud’a ala: Gola! Wana ni biza d’a hindi d’a an mba á hal vuta hi tulum mámid’a, an nga ni fe d’i. Ang kam mbeyo! Ni kayam me ba, mi b’lak andagad’a hawa bap ke?

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 4:42

Azi de matcha ndata ala: Ki tchetchemba, ami hami gagazid’a ni yam de maka hol li, wani ami tami humumiya, ami wami gagazi mam mi Ma sut suma kur duniyad’ina.

Jean 5:40

Wani agi min mbagi geven ndala agi fagi arid’a d’a d’i.

Sunda hi suma a sunuzinid’a 13:23

Nad’u andjafâ hi David-na ba, Alona mi he Jesus ma Suta mi Israel-lâ yam vun mam ma hled’a.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

1 Korente-na 15:26

Ma djangû ma danan ma mam mba mi b’lagam mbeina ni matna.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Korente-na 5:4

Ata yima ami nga kur zlub’u ndata tua na, ami nga zamami tami d’igi sama nga mi zi anekina na, nala, ami min fogomi hliwimi ma yam andagad’ina woyo d’i, wani ami min tchugumi hliu ma akulona atamiya, kayam arid’a kal yam matna.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

2 Tasaloni’â 2:8

Ata yi máma, Ma tchona mba mi nde tam mbei ir suma. Ni ma Salad’a Jesus mba mi tchum mbei ki fo d’a avunambina, mba mi b’lagam mbei ki b’o mamba fata mam mba mi mbad’a.

2 Timote 1:1

Ni an Paul ma a sunuma hi Jesus Christ-sâ kur minda hAlonid’a. Mi tinin á tchi wal zla d’a ari d’a Alona mi hle vunam kat mi ei suma zlabei tu ki Jesus Christ-sâ.

2 Timote 1:8

Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Wana ni mbaktum mba Paul mi b’irit mi Tit-ta 3:4

Wani kid’a djivid’a hAlo ma sud’inid’a ki o mam mba yam sumid’a a nde woid’a,

Hebre-na 10:32

Wani agi djib’eregi yam bur ma avo’â. Ata yima agi wagi b’od’a hAlonid’ina, agi vagi tagi ad’enga kur ndjiget ta ngola ki djop vuna.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

2 Pierre 1:11

Hina wani, Alona mba mi malagi lovota hotot á kalagi kur leu d’a didinda hi Salei ma suta Jesus Christ-sa.

2 Pierre 1:3

Alona mi had’eng mamba mi Jesus Christ. Christ mi hei ahlena pet suma a kid’ageina kayam mi mbud’i suma nda’â á tid’i kur lovot ta gagazid’a hAlonid’a, á wei Christ ma mi yï á mbud’i dedege d’igi mam na kur subur mamba ki djivi mambina tetet.

2 Pierre 2:20

Le azi prut tei kur tcho d’a d’od’oka hi duniyad’id’a kayam azi we Salei ma suta Jesus Christ, le a hulong kur tcho ndata ti kal kaziya ni, tchi mazi d’a bugola mba d’i kal la avoka.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

1 Jean 1:2

Ata yima Ari ndata ti nde woina, ami wamiziya. Kayam ndata, ami nga dagiya, ami nga lagi glangâsâ yam ari d’a didin nda nga zlapa kAbui adjeu dei d’a nde tat tei iramid’a.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 20:14

Matna ki yina hi suma azuleinina a tchuguzi kur apo d’a akud’a, nala, mat ma mbàna.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.