2 Samuel 4:6 - Bible azumeina

⁶ Azi kal krovo kur gonga d’igi a yo nawuna na, a tchogom hayam tup. Rekap azi ki wiyema Bäna a ringâ.

2 Samuel 4:6 Kruisverwysings

2 Samuel 2:23

Wani Asayel mi min aram bed’em mbi. Kayam ndata, Apner mi tchogom hurum kad’u asap mamba, gak asapa deîza woi huyogomu. Mi puk kä ata yi máma, mi mid’a. Suma pet suma a mba ata yima Asayel mi mit kuana, a tchola.

2 Samuel 20:10

Amasa mi ngom nga tam yam mbigeu d’a fiyak ka nga abo Jowap-pa d’i. Jowap mi pum mbigeu mam mba fiyaka kurumu, mi zugum aruwad’am kä woi andaga. Amasa mi mit bei Jowap mi tchogom yam á mbàd’a ba. Jowap azi ki wiyema Abisai a nde dik Seba Bikri goroma.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

2 Samuel 4:2

Isebäl Saul goroma mi nga ki nglo d’a avok azigarîd’a mbà. Ma hina a yum ala Bäna, ma hina a yum ala Rekap; azi ni Rimon ma Bërot ma ad’u andjafâ hi Benjamin-nina groma.

Suma ka sariyad’a 3:26

Kid’a azi nga djup tua d’a, Ehut mi ringâ, mi kal lei bugol filei ma ahinad’a, mi sut tam Seir.