2 Samuel 11:2 - Bible azumeina

² Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

2 Samuel 11:2 Kruisverwysings

Ad’u Tinda 12:11

Ata yima azi mbaza go á kal avo Ezipte-na, Abram mi de mamamba Sarai ala: An we nda’î atcha d’a djifâ;

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Ad’u Tinda 34:2

Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.

Ad’u Tinda 39:6

Kayam ndata, Potifar mi ar ahle mama pet abo Josef; vama ar rei nga d’i, ni te ma mam tuma hol. Wani Josef nazong ma djif heîna.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

2 Samuel 13:1

Bugol ahle ndazina, ahle suma lena ba wana: Apsalom David goroma wiyemba nga, ti djif heî, a yat ala Tamar. Amnon David gorom ma dingâ hurum vat heî.

2 Samuel 14:27

Apsalom mi vut gro andjofâ hindi ki gor atchad’a tu, a yat ala Tamar. Ti djif heî mi.

2 Samuel 4:5

Rekap azi ki Bäna Rimon ma Bërot-na groma a i ki faleid’a avo hi Isebäl; mi nga burâ kä á tuk tam faleya.

2 Samuel 4:7

Nala, kid’a Isebäl nga mi tuk tam yam azang mama kur gong mam mba burîd’a, azi kal kur gonga krovo, a tchogomu, a tchumu, a ngad’am yamu, a hlad’u, a hle lovot ta Araba-d’a, a tit kandjeged’a baba,

Wana ni mbaktumba hi Job-pa 31:1

Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.

Sawal la giled’a 119:37

Ang mbud’un iran ndei yam ahle suma hawa ya’â, ar an tit ni kur lovot ta lang tang djivid’id’a.

Zla d’a d’ogolâ 19:15

Azulomba ti burî sana sena d’ad’ak, sama mi le sunda ndjondjôna, meid’a mba d’i tchumu.

Zla d’a d’ogolâ 31:30

Mbut tang djivid’a ir suma ni mbut ira, djifâ ni vama kal leina, wani atcha d’a nga d’i le mandara Ma didinid’a, ti ndak á subura.

Zla d’a d’ogolâ 6:25

Ar ang le d’od’oka kurung yam djif matna d’i, ar ti vang ki irat ta bizeina d’i.

Zla d’a d’ogolâ 7:8

Nga mi kal ir palumba go kazina hatchad’a tu, mi hle lovot ta kal avunata,

Jeremi 19:13

Gongîyo suma Jerusalem-ma ki gongîyona hamulei suma Juda-nina a mba mbut ndjendjed’a d’igi Tofet na. Gongîyo suma suma a he dubang ma his djivid’ina kazi akulo mahle suma akulonina ki gongîyo suma suma a he he d’a hawa d’a süm guguzlud’a malo ma dingâ kuana pet, a mba mbut ndjendjed’a d’igi Tofet na mi.

Matiye 10:27

Zla d’a an dagizi andjeged’a, agi dat tei faleya; vama agi humugizi gumuna, agi tchum walam mbei yam azuweina akulo.

Matiye 24:17

Le sana mi nga akulo yam gonga ni, ar mi tchuk asem kä á kal kur gong mamba á hle va d’i.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Sunda hi suma a sunuzinid’a 10:9

Tcha ndjivinda, kid’a azi nga kur lovota tua, a mbaza go huyok azì ma ngolîd’a, Pierre mi djak nga yam gonga akulo ki falei d’ad’ar á tchen Alona.

Gat ta a hat á mbàd’id’a 22:8

Le agi minigi dudur ra awilid’a ni, agi minigi gulumuna avunat akulo kayambala sana mi ndeï kä kua ba, buzuwam mi ar kagi d’uo d’a.

Gat ta a hat á mbàd’id’a 5:21

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.

1 Samuel 9:25

Bugola, azi tchuk asezi kä woi ata yima nding ma a tinim iram vama, a i hur azina. Samuel mi i ki Saul akulo yam dudura, mi yo siretna ki sed’emu.