2 Pierre 3:1 - Bible azumeina

¹ Buniyôn suma od’a, wana ni mbaktum mba mbà d’a an b’irigizid’a. Kurut djak an zlid’igi akulo kur djib’er magi d’a djivid’a á gagi humagi yam hat ta an had’agizid’a.

2 Pierre 3:1 Kruisverwysings

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

Sawal la giled’a 73:1

Ni sawal la gile d’a Asaf mi hlata. Gagazi, Alona nga mi le djivid’a mi Israel-lâ, nga mi le djivid’a mi suma huruzi yed’etna mi.

Matiye 5:8

Suma huruzi yed’etna a le furîd’a, kayam a mba wAlona.

2 Korente-na 13:2

Kayam ndata, kid’a an mbaza kam mbei hatagi yan á mbàd’id’a, an ngop suma a le tchod’a adjeuna ki suma dingâ mi. Wani ki tchetchemba, an sä adigagi d’uo pî, an nga ni dugot ded’a kua: Fata an mbaza hatagid’a, an mba ni arazi hawa bei ngopa d’i.

1 Timote 5:22

Ang b’at tang á tin abong yam sama ding á tinim kur sunda avok Toka atogo zak ki. Ang le darigïd’a ki tchod’a hi sama ding nguo mi, wani ang gol tang ped’et.

2 Timote 1:6

Kayam ndata, an nga ni gang humang ala ar ang zut he d’a hawa d’a Alona hangzi d’a ang vat ata yima an tin abon kangâ akulo.

Hebre-na 6:9

Buniyôn suma od’a, ami dami hina kayam ami wami tetet ala agi mba lagi ahle suma djivi suma ndak yam sutina.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

2 Pierre 3:17

Wani agi buniyôn suma od’a, ki tchetchemba, agi wagi ahle ndazina da’. Agi gologi tagi djiviya, ar suma tchona á vid’igi woi kur tchila mazid’a kur tchol magi d’a ngingringa d’i.

2 Pierre 3:8

Wani buniyôn suma od’a, agi maragi yam zla d’a tu d’a wanda d’i: Bur tu ir Salad’a ni d’igi bizad’a dubu na, biza d’a dubud’a ni d’igi burâ tu na mi.

Jude 1:5

Wani ki tchetchemba, agi wagi ahle ndazina tetet, wani an nga ni gagi humagi kua, ni nana ba, Salad’a mi sut Israel-lâ woi kur ambas sa Ezipte-d’a, bugola, mi ba suma a he nga gagazid’a d’uo na woi ge.