2 Pierre 1:1 - Bible azumeina

¹ Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.

2 Pierre 1:1 Kruisverwysings

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Matiye 10:2

Simiyê suma a sunuzi suma dogo yam mbàna ba wana: Ma avo’â ni Simon ma a yum ala Pierre-râ azi ki wiyema Andre, Jacques ki wiyema Jean Zebede groma,

Matiye 4:18

Kid’a Jesus nga mi tit avun apo d’a Galile-d’id’a, mi we gro asud’a mbà, Simon ma a yum ala Pierre-râ azi ki wiyema Andre. A nga tchuk abeina kä kur apod’a, kayam azi ni suma tchiuna.

Wana ni Zla d’a Djivi d’a Luc mi b’irita 1:47

An nga ni le furîd’a yam Alo ma sud’una,

Wana ni Zla d’a Djivi d’a Luc mi b’irita 11:49

Kayam ndata, Alona kur ne mamba mi dala: An mba ni sunuzi man suma djok vuna azi ki suma a sunuzina. Suma a mba tchi suma adigaziya, a mba djop vun suma adigazi mi.

Jean 1:42

Mi i ki sed’em gen Jesus. Jesus mi golom mi dum ala: Angî Simon Jean goroma. A mba yang ala Kefas, nala, Pierre.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Sunda hi suma a sunuzinid’a 15:14

Simon mi vei ad’ud’a ni nana ba, avok Alona mi man suma aduk andjaf suma dingâ á mbud’uzi sum mama ge.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:12

An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.

Romê-na 1:17

Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 15:9

Kayam an ni tobona hi suma a sunuzina pet, an ndak á yan sama a sunuma d’i, kayam an djop vun Toka hAlonid’a heî.

1 Korente-na 9:1

An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

2 Korente-na 4:13

Mbaktumba hAlonid’a ti dala: An he wa gagazid’a. Kayam ndata, an de. Ami mi, ami hami gagazid’a d’igi mam na mi. Kayam ndata, yam he gagazi mamid’a, ami nga damiya.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Galat-na 2:8

Kayam Alo ma pat Pierre mi tinim ma a sunuma yam suma Juif-fîna, ni mam ba, mi pad’an tinin ma a sunuma yam andjaf suma dingîna mi.

Efes-sâ 3:5

Kur atchogoi d’a kala, Alona mi simat nga zla d’a muduri ndata woi mi suma d’i, wani ki tchetchemba, yam ad’enga hi Muzuk mamid’a, mi ndat ad’ut tei mi mam suma a sunuzi suma mi tinizi irazi vazina ki mam suma djok vuna mi.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Efes-sâ 4:5

Salad’a ni tu, he gagazid’a ni tu, batemba ni tu mi.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Filip-ma 1:29

Kayam Alona mi vagi sumad’a zlapa ki Christ ná he gagazid’a kam hol li, wani ná fagi ndaka kam mi.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

2 Timote 1:5

An nga ni djib’er yam he gagazi d’a irat ta nga kurunga, ni d’a nga kur asung ngolo Lois kasung Eunis adjeud’a, an we gagazi ti nga kurung mi.

Wana ni mbaktum mba Paul mi b’irit mi Tit-ta 1:1

Ni an Paul, azongâ hAlonina, ni ma a sunuma hi Jesus Christ-sâ. Mi tinin á mba ki suma he gagazid’a suma Alona manazina á we zla d’a gagazid’a, á had’azi yam he gagazi meid’a mi,

Wana ni mbaktum mba Paul mi b’irit mi Tit-ta 1:4

An nga ni b’iring mbaktum mba wanda mi ang Tit, goron ma irat ma kur he gagazi d’a ei nga kurut petina. Alona Abui ki Jesus Christ ma sud’ina a vang sumad’a ki b’leng nga halasa.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Jacques 1:1

Ni an Jacques, azongâ hAlonina, ma hi Salad’a Jesus Christ-sâ mi. An nga ni gagi agi andjaf suma hAlona suma dogo yam mbà suma a b’rau woi kur duniyad’a petna depa.

1 Pierre 1:1

Ni an Pierre ma a sunuma hi Jesus Christ-sâ. An nga ni sun mbaktum mba wanda mi agi suma Alona mi managi suma b’rawagi woi kur ambas sa Pong, Galat, Kapados, Asi ki d’a kur Bitini-d’ina.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Pierre 2:7

Yam agi suma hagi gagazid’a, ndat nahina d’a guzut kal teglesa iragiya, wani yam suma bei he gagazid’ina, ahina d’a suma djak gonga a gat teid’a, ni d’a mbut ta djik gong nga akulod’a.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

2 Pierre 1:4

Kayam ndata, mi hei vun mam ma hle ma ngol ma guzum kal teglesâ, kayam agi vagi vama mam hlagi vunam kama, á prud’ugi tagi woi kur d’od’ok ka b’lak ka nga d’i te yam duniyad’id’a, á mbud’ugi d’igi mam na mi.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.