1 Timote 6:4 - Bible azumeina

⁴ ni sama yam mba ad’enga, mi we nga va d’i. Mi tin hurumî yam tuguyo d’a tchid’a ki ngengâ, ni zla d’a nga d’i mba ki yungôra ki huneîd’a ki ngula ki djib’er ra tchod’a,

1 Timote 6:4 Kruisverwysings

Zla d’a d’ogolâ 13:7

Suma dingâ a nga yi tazi ala azi ni suma ndjondjoîna, wani azi nga ki va d’i. Suma dingâ a nga yi tazi ala azi ni suma houd’a, wani azi ni suma ndjondjoîna!

Zla d’a d’ogolâ 25:14

Sama mi nga mi subur tam yam he d’a hawa d’a mi hat nga d’uo tua d’a, mi ni d’igi d’ugul la simet ta nga d’i se alona d’uo d’a na.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Isai 58:4

Agi d’elegi tagi bei te tena ná tchi tuguyod’a, agi yalagi tagi ná tumugi tagi mi! Agi d’elegi tagi bei te tena ni d’igi d’el ta d’a ini kur bur ma wanid’a na tala an humugi delegi sä akulo d’a d’i.

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Sunda hi suma a sunuzinid’a 18:15

Wani le ni kayam zla d’a tchi tuguyod’a yam zlad’a d’oze yam simina d’oze yam gat magid’a tata ni, ni zla magid’a. An min ka sariya ndata d’i.

Sunda hi suma a sunuzinid’a 8:9

Sana nga kua, simiyêm ala Simon. Ni sama nga mi le sun nda mbuta kur azì ma ngol máma adjeuna. Suma Samari-na a nga le atchap kamu, kayam mam tamba nga mi dala mam mi sama ngolâ.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Romê-na 14:1

Ar agi vagi sama amangeî ma kur he gagazid’ina atagiya, wani ar agi kagi sariyad’a kam yam djib’er mamba d’i.

Romê-na 2:8

Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.

1 Korente-na 11:16

Wani le sa min á tchi tuguyod’a yam zla ndata ni, ar mi wala ami d’oze Toka hAlonid’a ti nga ki zla d’a ding yam hat ndata d’i.

1 Korente-na 11:18

Avok an hum ala ata yima agi nga togogi tuna, wala nga adigagiya. An djib’er ala zla d’a gagazid’a nga kur de ndata.

1 Korente-na 3:18

Ar sa mi lop tam mbi. Le sama ding adigagi mi djib’er ala mam mbut sama ned’a kur duniyad’a ka hî ni, ar mi mbut tam lilid’a kayam mam mbut sama ne ma gagazina.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

Galat-na 5:15

Wani le agi nga ed’egi tagi mbumbugu ni, agi gologi tagi djiviya, ar agi b’lagagi tagi woi d’i.

Galat-na 5:26

Ar ei halei subur ra hawa yaka á zalei hur tei d’i. Ar ei lei yungôra yam tei d’uo mi.

Galat-na 6:3

Le sama ding djib’er ala mam ndak va, wani le mi ndak va d’uo ni, mam lop mi tamu.

Filip-ma 1:15

Gagazi, suma dingâ adigazi a nga tchi wal zlad’a hi Christ-sa ki yungôra kanu, ki tuguyod’a mi, wani suma dingâ a nga tchi wal zlad’a hi Christ-sa ki djib’er ra djivid’a.

Filip-ma 2:14

Ar agi lagi ahlena pet bei gureîd’a, bei tuguyod’a mi,

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

1 Timote 1:4

Ang dazi a ar djudjun nda hawa yaka kandjaf ma ndum ma dabi mamba nga d’uo na woyo. Kayam zla d’a hina d’a ti tcholî ki tuguyod’a, wani nga d’i ndjak ki minda hAlonid’a á sut suma yam he gagazi mazid’a d’i.

1 Timote 1:7

Azi min á mbut suma hat gata hAlonid’ina, wani azi nga wäd’u vama azi nga duma d’i, d’oze vama azi nga de kam ala ni zla d’a gagazid’a na d’uo mi.

1 Timote 3:6

Ni ma mbut hurum awilina d’i, dam mba mi hle yam akulo, mi nde kur sariyad’a a kat yam Diable-d’a.

2 Timote 2:14

Ang gazi humazi yam zla ndata, ang gad’azi avok Alona ala ar azi tchi tuguyod’a yam zla d’a hawa yaka d’i. Ni zla d’a nga d’i ba suma a humutna woid’a.

2 Timote 2:23

Wani ang noî djop pa lilid’a woyo. Ang we ni djop pa lilid’a ba, nga d’i mba ki yalâ.

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Wana ni mbaktum mba Paul mi b’irit mi Tit-ta 3:9

Wani ang wal lei ki djop pa lilid’a kandjaf ma ndum ma dabi mamba nga d’uo na ki yalâ ki tuguyo d’a yam gatid’a. Kayam ahle ndazina a nga ki mbina d’i, wani nahle suma hawa ya’â.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

2 Pierre 2:12

Wani sum ndazina a nga tit kur djib’er mazid’a d’igi ahle suma abagei suma a vud’uzi á vazi á tchid’ina na. Azi nga ngul vama azi wum nga ad’um mbuo na, azi mba ba woi d’igi ahle suma abageina na mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Jude 1:10

Wani sum ndazina a nga ngul vama azi wum mbuo na kahle suma azi wazi kur djib’er mazid’a d’igi ahle suma abagei suma bei djib’era na na, a nga b’lak kei kur ahle ndazina.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Vama ndum mbeina 3:17

Ang nga dala: An ni sama ndjondjoîna, an nga kahlena pet, va kid’agan nga d’i. Wani ang we nga d’ala angî sama amangeî ma hawa ya’â angî ma houd’a angî ma gandilad’a angî ma duka mi d’a d’uo!