1 Timote 5:5 - Bible azumeina

⁵ Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

1 Timote 5:5 Kruisverwysings

Sawal la giled’a 91:4

Alona mi mining nga yima kaka ad’u gigingâmu; ang mba ngei tang kua. Gagazi mamba ni mbareid’a, ni kongrongâ mi.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 54:1

Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Sunda hi suma a sunuzinid’a 26:7

Amulâ, ni yam vun ma hle ma andjavami ma dogo yam mbàna a tin huruzi kama, d’igi a nga kud’or Alona andjege ki falei na. Ni kayam hur ma tin máma ba, Juif-fâ a tchugun ki zlad’a kan wana.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Sunda hi suma a sunuzinid’a 9:39

Pierre mi tchol atogo zak, mi i ki sed’eziya. Kid’a mi mbad’a, a i ki sed’em kur gong nga yam ndrata akulod’a. Arop suma modonod’a pet a hut gevem a nga tchiya, a nga tagam baru d’a gureid’a ki d’a nglod’a suma Dorkas ti lazi kid’a ndat nga ki sed’ezi tua d’ina.

Sunda hi suma a sunuzinid’a 9:41

Pierre mi vat abod’u, mi tcholot akulo. Mi yi suma a he gagazid’ina karop suma modonod’a, mi hazizi ki arid’a.

Romê-na 1:12

An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

1 Korente-na 7:32

Wani an min ala agi djib’eregi yam ahle suma kur duniyad’ina d’i. Sama ve nga atchad’a d’uo na, mi djib’erî yam ahlena hi Salad’ina á lum tam djivid’a.

1 Korente-na 7:34

Atchad’a ki gor weid’a ni teteng. Gor weid’a ti djib’erî yam ahlena hi Salad’ina, kayam ti kak yed’et ki tat pet. Wani atcha d’a ti ve ndjufîd’a, ti djib’erî yam ahle suma kur duniyad’ina á le ndjuvut tam djivid’a mi.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

1 Timote 2:1

Avok ahlena pet, an nga ni gigid’egiya, ar agi tchenegi Alona tchen nda irata ki hud’a yam suma pet. Ar agi lagi mersi mAlona yam suma pet,

1 Timote 5:16

Le atcha d’a he gagazid’a nga karop suma modonod’a avo hatad’u ni, ndat tat ndjunuziya, kayam ar aneka yam Toka d’i. Kayam Toka ti ndjun narop suma modono suma gagazina hol.

1 Timote 5:3

Ang djib’er yam arop suma modono suma gagazina, ang huzi mi.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

1 Pierre 3:5

Hina mi, arop suma yed’et suma adjeu a tin huruzi yam Alonina, djif mazina ba wana: A ge yazi kä ad’u andjuviyozi

Wana ni mbaktum mba a b’irit yam Rut-ta 2:12

Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!