1 Timote 4:15 - Bible azumeina

¹⁵ Ang djib’er yam ahle ndazina, ang lazi pet. Hina wani, suma pet a mba we i mang nga avogovoka.

1 Timote 4:15 Kruisverwysings

Sawal la giled’a 104:34

Ar djib’er manda ti lang tang djivid’a. Ma didina, an min le furîd’a kangû.

Sawal la giled’a 105:5

Agi andjafâ hazong mama Abraham-ma, agi andjafâ hi Jakob ma mam manama, agi djib’eregi yam sun mam mba ndandal la mam lata, yam ahle suma yoyouna ki sariya d’a nga mi kata mi.

Sawal la giled’a 119:148

Kur ler ra andjeged’a pet an nga kaka ki iran á djib’er yam vun mang ma hled’a.

Sawal la giled’a 119:15

An nga ni djib’er yam vun mang ma hed’a, iran nga tinda yam lovot manga mi.

Sawal la giled’a 119:23

Le suma nglona a tok nga kä á de zla d’a tchod’a kan pî, an azong mangâ ni ngomî gat manga.

Sawal la giled’a 119:48

An nga ni yo abon akulo á tchenda yam vun mang ma he ma an hurun vuma, an min ni djib’er yam gat manga mi.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Sawal la giled’a 119:99

Ne manda ti kal la hi suma a had’anid’a pet, kayam an nga ni djib’er yam vun mang ma hed’a.

Sawal la giled’a 143:5

An nga ni djib’er yam bur ma adjeuna, an hulong nga ni djib’er yam sun manga, an nga ni djib’er yam sun nda ang lat kabonga mi.

Sawal la giled’a 19:14

Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Sawal la giled’a 77:12

Ma didina, human nga d’i gan yam sun nda ang lata. Gagazi, human nga d’i gan yam sun nda ndandal la ang lat adjeud’a.

Ndumba 8:26

Mba mi ndjun b’oziyoma kur zlub’u d’a ngaf tad’a á ngom ahle suma a mba humzi á ngombina. Wani mi le sunda d’i. Ang le hina ki suma hi Levi-na yam sun nda ngad’a kazid’a.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Sunda hi suma a sunuzinid’a 6:4

Wani ami vami tami á tchen Alona, á tchi wal zla mamba mi.

1 Korente-na 16:15

B’oziyona, agi wagi suma avo hi Estefanas-sâ, azi ni suma a mbut huruzi avok avo Akai-na. Azi he tazi á le sunda mi suma hAlonina.

2 Korente-na 4:14

Ami wami ala mam ma tchol Salad’a Jesus akulo aduk suma matnina, mba mi tcholomi zlapa ki Jesus. Mam mba mi ndami woi avorom zlapa ki agi mi.

2 Korente-na 8:5

Azi he kal yam vama ami tinimi hurumi kama, kayam azi he tazi mi Salad’a avogo, bugola, a he tazi mi ami kur minda hAlonid’a mi.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Josue 1:8

Ar ang wal lei ki mbaktumba hi gatid’a d’i, ang dugud’ot ndumba á djib’er kat andjege ki falei á ngomot á tit yam ahlena pet suma a b’irizi kuana. Hina wani, ang mba ndak vun ahlena pet suma ang mba lazina, ang mba fazi mi.