1 Timote 4:12 - Bible azumeina

¹² Ar sa golong is kur azong manga d’i, wani ang mbut ni vama simata mi suma a he gagazid’ina kur zla mang nga ded’a, kur tit manga, kur o manga, kur he gagazi manga, kur d’ingêr mang nga led’a mi.

1 Timote 4:12 Kruisverwysings

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

1 Korente-na 11:1

Agi hlagi balum asen d’igi an hle balum asem Christ-sâ na.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

2 Timote 2:7

Ar ang djib’er yam zla d’a an data, kayam Salad’a mba mi hang ned’a á wäd’u ahlena pet.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Jacques 3:13

Sama ne ma wad’u ma adigagina ni nge ge? Ar mi tak sun mam mba djivid’a woi ki tit mamba ki ge yam mba kä d’a woi ki ned’a.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.