1 Timote 3:13 - Bible azumeina

¹³ Kayam suma a le sun nda djivid’a mi Tokina a mba suburuzi ngola. Hina mi, azi ndak á de woi yam he gagazi mei d’a ei hat yam Jesus Christ-sa bei mandarâ ba mi.

1 Timote 3:13 Kruisverwysings

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Wana ni Zla d’a Djivi d’a Luc mi b’irita 19:17

Amulâ mi dum ala: Ang le djiviya, angî azong ma djivina. Kayam ang d’engzeng ki vama akid’eina, ang te yam azina dogo.

Sunda hi suma a sunuzinid’a 21:35

Kid’a mi mbaza avun gonga, ata yima djak akulona, azigarâ a hle Paul akulo abo b’at ta suma a nga b’at tazi kam kukud’a.

Sunda hi suma a sunuzinid’a 6:15

Suma pet suma a nga kaka ata yima b’ak zlad’ina a so irazi yam Etienne, a golom iram mbut d’igi ir malaikana na.

Sunda hi suma a sunuzinid’a 6:5

Zla ndata le suma toka tazi djivid’a heî. A man Etienne sama gagazi ma oîd’a ki Muzuk ma bei tchod’ina, Filip, Prokor, Nikanor, Timon, Parmenas ki Nikola ma Antiyos ma mbut Juif-fîna.

Sunda hi suma a sunuzinid’a 6:8

Etienne ma Alona mi b’e vunam kam mi hum ad’enga mi na, mi lahle suma atchapma kahle suma simata ngola aduk suma.

1 Korente-na 16:15

B’oziyona, agi wagi suma avo hi Estefanas-sâ, azi ni suma a mbut huruzi avok avo Akai-na. Azi he tazi á le sunda mi suma hAlonina.

Filip-ma 1:14

Ni yam dangei mana ba, b’oziyoina ablaud’a a deng tazi ata Salad’a, a fad’enga á tchi wal Zlad’a hAlonid’a avogovok bei mandarâ ba mi.

1 Tasaloni’â 2:2

Agi wagi ala avok ka bei ami mbami sä hatagi Tasalonik-ka, ami fami ndaka ki lasa yam andaga d’a Filip-pa. Wani suma a hal á d’elemi pî, Alona mi hami ve tad’a á tchagi wal Zla d’a Djivi d’a tcholï atamba.

1 Timote 3:14

An min iza hatang ka tchetchem. Kayam ndata, an nga ni b’iring ahle ndazina.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.