1 Timote 1:16 - Bible azumeina

¹⁶ wani Alona mi wan hohowonu. Kayam an ni ma ngolâ aduk suma tchona, Jesus Christ mi tagan ve ta mamba pet, kayam an mbut ni vama taka mi suma a mba hum gagazid’a á fe ari d’a didindina.

1 Timote 1:16 Kruisverwysings

2 Sunda Hamuleinid’a 33:19

Tchen mamba ki hum mba Alona mi humuta ki tcho mam mba mi lata ki sun mam mba ata yat tuo d’a ki yima mi min yima ndingâ kua á kud’or fileinina ki gong nga kud’or ra mi minit malo d’a a yat ala Asera-d’a ki filei ma mam tched’em avok kä bei mam hulong yam kä d’a, a b’irizi nga kä kur Mbaktumba hi Hozai-d’a.

Sawal la giled’a 25:11

Ma didina, yam simiyêngû, ang vat hurung ngei yam tcho manda, kayam ti ngola heî.

Buzuk ka Abud’a 34:8

Moise mi grif kä atogo zak, mi kud’or Ma didina.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Ndumba 23:3

Baläm mi de mi Balak ala: Ang tchol gen he d’a hawa manga ngala go, an hut tei dei. Dam Ma didina mi mba ini á ngavan kla. Bugola, an mba ni dang zla d’a mam mba mi tagandjid’a. Mi i akulo yam ahinad’a yat ta ked’iwurenga.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 23:43

Jesus mi dum ala: Gagazi, an nga ni dangû, ang mba kak ini ki sed’en kur Paradis.

Wana ni Zla d’a Djivi d’a Luc mi b’irita 7:47

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

Jean 6:54

Sama mi tan hliwin mi tchan buzuwan mi na, mi nga kari d’a didinda; an mba ni tcholom akulo aduk suma matna kur bur ma dabid’a mi.

Sunda hi suma a sunuzinid’a 13:39

Ni kayam mam ba, sama lara pî ma he gagazid’a kama, mi nde woi kur tcho d’a lara ge pet ta gata hi Moise-sa ndak á buzugugi woi kur ruo d’a.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Efes-sâ 1:12

Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

1 Pierre 3:20

Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

2 Pierre 3:15

Agi djib’eregi ala ve tad’a hi Saleinid’a ni sut magid’a d’igi wiyei ma od’a Paul mi b’irigizi kur ne d’a Alona mi humzid’a na.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.