1 Timote 1:13 - Bible azumeina

¹³ Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

1 Timote 1:13 Kruisverwysings

Wana ni mbaktumba hi Oze-d’a 2:23

An Ma didina nga ni dagu: Kur bur máma an mba ni arî Alo ma hulong humba, an mba ni hulong humba makulod’a. Akulod’a mba d’i hulong humba mandagad’a,

Sunda hi suma hi Levi-nid’a 13:16

Le tam mba hleu d’a ndundub’uk ndata, le d’i mbut hapa ni, mi i gen ma ngat buzuna.

Ndumba 15:30

Wani le ni ma Israel-lâ d’oze angeina, mi le tchod’a kur min mamba ni, mi golon ni is; a mba pad’am mbei aduk sum mama.

Wana ni Zla d’a Djivi d’a Luc mi b’irita 12:47

Azong ma we minda hi salamid’a, wani nga mi min ahlena d’i, nga mi le minda hi salamid’a d’uo mi na, a mba tom ngola.

Wana ni Zla d’a Djivi d’a Luc mi b’irita 23:34

Jesus mi dala: Abunu, ang vat hurung ngei kaziya, kayam azi we nga vama azi nga luma d’i. A b’rau baru mamba aduk taziya, a tumut gumara.

Sunda hi suma a sunuzinid’a 22:4

An djop vun suma a nga kur lovota hi Salad’id’ina ngola heî. Suma hiuna a bo. An djin andjofâ karopma, an tchuguzi dangeina mi.

Sunda hi suma a sunuzinid’a 3:17

Ki tchetchemba, b’oziyona, an wala agi ki magi suma te yamba, agi lagi hina yam bei wed’a.

Sunda hi suma a sunuzinid’a 8:3

Wani Saul mi pleî suma toka woi ndjandjap. Mi nga mi kal kur azì ma lara ge pet, nga mi yo andjofâ karopma, nga mi tchuguzi dangeina.

Sunda hi suma a sunuzinid’a 9:1

Wani Saul nga mi gurut ki ngopa ndandaleî á tchi suma hata hi Salad’ina. Mi i gen ma ngol ma ngat buzuna,

Sunda hi suma a sunuzinid’a 9:13

Wani Ananiyas mi hulong dum ala: Salad’a, an hum zla sa máma avun suma ngola ala nga mi le murud’umba ablaud’a ki sum mang suma Jerusalem-ma.

Sunda hi suma a sunuzinid’a 9:5

Mi djobom ala: Salana, angî nge ge? Mam hulong dum ala: Ni an Jesus ma ang nga djobon vunana.

1 Korente-na 15:9

Kayam an ni tobona hi suma a sunuzina pet, an ndak á yan sama a sunuma d’i, kayam an djop vun Toka hAlonid’a heî.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

Galat-na 1:13

Kayam agi humugi zla tit manda adjeu kur zlad’a hi Juif-fîd’a. Agi wagi ala an djop vun Toka hAlonid’a heî, an pleyêt tei mi.

Filip-ma 3:6

Tan ndi lan zlezleû á djop vun Toka. Yam zla d’a ngom gata hi Juif-fîd’a, a fe nga zla kan ndi.

1 Timote 1:16

wani Alona mi wan hohowonu. Kayam an ni ma ngolâ aduk suma tchona, Jesus Christ mi tagan ve ta mamba pet, kayam an mbut ni vama taka mi suma a mba hum gagazid’a á fe ari d’a didindina.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.