1 Samuel 9:6 - Bible azumeina

⁶ Azong máma mi hulong dum ala: Ang djuba! An we kur azì ma avorei wana sama djok vun Alona nga kua, ni sama zlam nde yina heîna; ahlena pet suma mam nga mi dazina, a nga le ata yazi hina mi. Ki tchetchemba, ei i goleiziya. Dam mba mi tagei lovot ta ei mba hleizid’a.

1 Samuel 9:6 Kruisverwysings

Ad’u Tinda 24:42

Ni kayam ndata ba, an mba ini avun golonga, an de mAlona ala: Ma didina, Alona hi salana Abraham-ma, le ang min gagazi ala akoi man nda an nga ni tid’ita ti ve kanu ni,

2 Samuel 15:27

Amulâ mi de mi ma ngat buzuna Sadok ala: Angî ma nga wahle suma a nga mbana d’uo zu? Agi ki Abiyatar agi hulongôgi avo ki halasa ki grogi suma mbàna, nala, Ahimas azi ki Jonatan.

1 Amuleina 13:1

Wani Ma didina mi he vuna mi sa mama. Kayam ndata, mi tchol yam ambas sa Juda-d’a, mi i avo Betel. Ata yima mi mbazina, mi fe Jerobowam nga mi ngal ahle suma ngat buzuna akulo yam yima ngal ahle suma ngat buzuna.

2 Amuleina 5:8

Kid’a Elise mi hum ala amul ma Israel-lâ mi haû baru mama woyo d’a, mi ge sunda mi dum ala: Ni kayam me ba, ang hat hurung na ge? Ar sa máma mi mbeï avo hatanu. Mba mi wala gagazi, ma djok vun Alona mi nga yam ambas sa Israel-la.

2 Amuleina 6:6

Elise mi djobom ala: Mi nde ni lara ge? Mi tagam yima mi nde kuana. Elise mi ka agu ma gorâ gutubung, mi gum sä kä ata yi máma. Atogo hina zak sï andjetna mi ndeï akulo yam mbina.

Sawal la giled’a 25:12

Sama mi le mandara Ma didinina, ni Ma didina ba, mi tagam lovot ta mbeî mi manata.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Gat ta a hat á mbàd’id’a 33:1

Wana ni vun ma b’e ma Moise sana hAlonina mi b’am yam Israel-lâ avok mat mamina:

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Tasaloni’â 5:13

Ar agi hazi ngola, ar agi lagi od’a kazi yam sun mazi d’a azi nga lata, agi kagagi ki b’leng nga halasa aduk tagi mi.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

1 Samuel 2:27

Ma djok vun Alona tu mi mba mi fe Eli, mi dum ala: Gola! Ma didina mi dala: Ang we, ni an ba ni tak tan mabuyong ngolo kid’a Faron nga mi lazi magomba avo Ezipte-d’a d’uo zu?

1 Samuel 9:8

Azong máma mi hulong de mi Saul ala: An nga ki bege d’a hap pa gora abon tu; ei i humziya; mam mba mi tagei lovot ta ei hlata.