1 Samuel 8:5 - Bible azumeina

⁵ a dum ala: Samuel, ang gola, ang djengî djengâ, grongâ a nga tit d’igi ang na d’i. Ki tchetchemba, ang tinimi amulâ á te kami d’igi andjaf suma dingâ a nga le na mi.

1 Samuel 8:5 Kruisverwysings

Ndumba 23:9

An wazi akulo yam ahuniyôna yazi d’a ked’iwurenga. An golozi akulo yam ahuniyô suma djodjohlâ. Gola! Ni suma yazi ma kaka iram vama, ni suma a nga zlapa kandjaf ma dingâ tu d’uo na.

Sunda hi suma a sunuzinid’a 13:21

Bugola Israel-lâ a tchen Alona ala mi tinizi amulâ, Alona mi tinizi Saul Kis gorom ma ad’u andjafâ hi Benjamin-nina. Mi te kazi bizad’a dok fid’i.

Suma ka sariyad’a 8:22

Bugol ahle ndazina, Israel-lâ a de mi Zedeyon ala: Ang tamula kamiya. Bugol gorongâ mi vrak tamula blogongû, grong ngolona pî, mi vrak tamula kua d’ei; kayam ang sud’umi woi abo suma Madiyan-na.

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 12:13

Samuel mi de kua ala: Ki tchetchemba, wana namul ma agi managizina, ni ma agi tchenen kama, Ma didina mi tinigiziya wa!

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 12:2

Ki tchetchemba, wana namul ma mi tit avorogina: Le ni anu ni, an mbut wa mamara, abusa deî wa kan mi. Grona a mbut wa suma d’igi agi na mi. An tit avorogi kazongôn dei gak ini.

1 Samuel 9:20

Wani yam zla koro d’a vit tei ini burâ hindid’a, ang djib’er kat ti; a fat wa da’. Wani ki tchetchemba, minda hi Israel-lîd’a ngola ni yam nge ge? Ni kang ang ki suma avo habungâ d’uo zu?