1 Samuel 8:3 - Bible azumeina

³ Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.

1 Samuel 8:3 Kruisverwysings

2 Samuel 15:4

Apsalom nga mi dala: Sa mi tinin an amula yam ambasa ni nge ni ta ge? Suma a nga ki zlad’a aduk tazi d’oze sariya mazi d’a b’akina, a mba mbat avoronu, an mba ni kazizi d’ingêr.

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Sawal la giled’a 26:10

Ni suma abozi nga zid’a akulo kazi zi á le tchod’ina; abozi ma ndjufâ nga tinda á ve wurak ka yam sumid’a.

Buzuk ka Abud’a 18:21

Ang man suma nda’â aduk suma a le mandara Alonina suma gagazi suma a nga ve bege d’a mbut ira abo suma d’uo na. Ang tinizi suma ka sariyad’a yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Buzuk ka Abud’a 23:8

Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma wäd’u zlad’ina woyo, nga d’i b’lak zlad’a hi suma d’ingêrîd’a woi mi.

Ma tchi wala 2:19

Sama mba mi vra’â le ni ma ne, le ni ma liliya, sa mi we nga d’i. Wani mba mi kak yam ahlena pet suma an lazi kur duniyad’a ka hî ki kaud’a ki ne mandina. Hina pet pî, ni sun nda hawa yaka d’ei.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

1 Samuel 12:2

Ki tchetchemba, wana namul ma mi tit avorogina: Le ni anu ni, an mbut wa mamara, abusa deî wa kan mi. Grona a mbut wa suma d’igi agi na mi. An tit avorogi kazongôn dei gak ini.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.