1 Samuel 7:6 - Bible azumeina

⁶ Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.

1 Samuel 7:6 Kruisverwysings

Ad’u Tinda 31:49

A yat kua ala Mispa, kayam Laban mi dala: Ar Ma didina mi wadigeya, ata yima ei wal leina, ei ndak á wei tei bugol luo d’a.

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

1 Sunda Hamuleinid’a 11:18

Ata yi máma suma hindi ndazina a b’at kangâ hi Filistê-nina kad’enga, a gulï mbiyo ma kur golong nga sä avun azì ma Betelehem-mid’a, a mbam mi David. Wani David mi tchum nga d’i, mi hum he d’a hawad’a mi Ma didina, mi vom kä woi andaga.

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Nehemi 9:27

Ni kayam ndata ba, ang arazi abo mazi suma djangûna, a lazi ndaka. Wani ata yima azi nga kur ndakina, a tchi kangû, ang tang humuzï akulo dei. Yam we hohou mang nga ngola, ang hazi suma a prud’uzi woi abo mazi suma djangûnina.

Wana ni mbaktumba hi Job-pa 16:20

Buniyôna a nga lazanu, wani an nga ni tchi ki simina iran yam Alona.

Wana ni mbaktumba hi Job-pa 3:24

Zam tad’a ti mbut navu man ma ted’a, tchi mana nga mi djang kä d’igi mbina na.

Wana ni mbaktumba hi Job-pa 33:27

Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Wana ni mbaktumba hi Job-pa 40:4

Ang nga kad’enga d’igi an Alona na zu? Deleng nga breîd’a ni d’igi manda na mi zu?

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Sawal la giled’a 106:6

Ami lami tchod’a d’igi abuyomi ngolo na, ami tchilami yam gata, ami lami sun nda asa’ata.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Sawal la giled’a 42:3

Alo man ma arina zlam nga d’i lan heî. Ni mindja ba, an mba ni kal kur gong mamba á wum iram ge?

Sawal la giled’a 6:6

Kayam sama mit teina nga mi djib’er kang nguo d’a; sama suburung ata yima azuleina ni nge ge?

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Jeremi 36:9

Kur biza d’a vahl hla Jojakim Josiyas goroma amul ma Juda-na nga mi tamulid’a, kur til ma zlengîna a tchi wala yam bur ma d’el tad’a bei te tena avok Ma didina yam suma Jerusalem-ma ki suma a mbeï kur azì ma nglo ma Juda-na avo Jerusalem-ma pet mi.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Hor ma tchina 3:49

Iran nga d’i djang simina bei tuk tad’u, bei ara

Hor ma tchina 5:16

Avaval la kamid’a ti tchuk kä woi da’. Ni zla d’a hohoud’a kamiya, kayam ami lami tchod’a.

Ezekiyel 20:4

Ang gor sana, ang min á kazi sariyad’a kazi zu? Ang kazi sariyad’a kazi bei gigrita, ang tagazi tchod’a habuyozi ngolod’a woyo.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Sunda hi suma hi Levi-nid’a 16:29

Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 26:40

Ma didina mi de kua ala: Bugol ahle ndazina, azi mba de woi yam tcho mazid’a ki d’a habuyozi ngolod’a ki tchila mazi d’a azi tchilat avoronda ki so vun mazi ma azi son vunana,

Wana ni Zla d’a Djivi d’a Luc mi b’irita 15:18

An mba ni tchola, ni i gen abunu, ni dum ala: Abunu, an le tchod’a avok Alona, avogong ang mi.

Josue 18:26

Mispe, Kefira, Mosa,

Suma ka sariyad’a 10:10

Israel-lâ a nde tchina yam Ma didina, a dum ala: Ami lami tchod’a avorongû, kayam ami arami ang Alo mamina woyo, ami nga kud’uromi alo ma a yum ala Bäl-lâ.

Suma ka sariyad’a 10:15

Israel-lâ a de mi Ma didina ala: Ami lami tchod’a avorongû. Ang le vama hurung minima ki sed’emiya, wani ang sud’umi ini woi sut wü d’a.

Suma ka sariyad’a 2:4

Kid’a malaikana hi Ma didinina mi de zla ndata mi Israel-lâ peta, a nde tchina ki delezi akulo.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Suma ka sariyad’a 20:26

Israel-lâ pet kablau suma pet a mba Betel, a kak kua avok Ma didina, a d’el tazi bei te tena gak fladege, a hum he d’a hawa d’a ngala ki he d’a hawa d’a ngat buzu d’a zlap darigïd’a mi.

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

1 Samuel 1:15

Anne ti hulong dum ala: An gurut nga ni gurud’a d’i, an tche nga süm mbuo mi, an natcha d’a hohoud’a, an mba ni ki djib’er manda avok Ma didina.

1 Samuel 10:17

Samuel mi yi Israel-lâ ala a tok avok Ma didina avo Mispa.

1 Samuel 12:10

Abuyogi ngolo a yi Ma didina kua á ndjunuziya, a dum ala: Ma didina, ami lami tchod’a, ami arang ngei á le sunda malo ma hawa yak ma a yum ala Bäl-lâ kalo d’a hawa yak ka a yat ala Astarte-d’a. Wani ki tchetchemba, ang sud’umi woi abo mami suma djangûna; ami mba lang sunda.

1 Samuel 7:15

Samuel mi kak ma ngolâ yam Israel-lâ gak mat mama.