1 Samuel 7:3 - Bible azumeina

³ Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.

1 Samuel 7:3 Kruisverwysings

Ad’u Tinda 35:2

Jakob mi de mi suma avo hatama ki suma a nga zlapa ki sed’ema ala: Agi tchugugi filei ma nga avo hatagina woyo, agi mbud’ugi tagi yed’et, agi tchugugi baru ma dingâ atagiya.

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

1 Amuleina 8:48

le azi hulongî geveng ki hur ma tuna ki muzugazi tu kur andaga d’a a izi magomba kura ala ang vat hurung ngei kaziya, le azi mbut irazi yam andaga d’a ang hat mabuyozi ngolo kazì ma ngol ma ang manam ma an mining gonga kuana á tchenengû ni,

2 Amuleina 17:39

Ar agi lagi ni mandaran an Ma didina Alo magina. Hina wani, an mba ni sud’ugi woi abo magi suma djangûna pet.

2 Amuleina 23:15

Josiyas mi b’lak yima ngal ahle suma ngat buzuna ki yima nding ma Jerobowam Nebat goroma mi minim avo Betel á zut ki Israel-lâ á le tchod’ina woyo, mi ngal yima nding máma woyo, mi mbud’um butna, mi ngal agu ma murguli ma a pum mi Asera-na woi mi.

1 Sunda Hamuleinid’a 22:19

Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 19:3

Wani mi fahle suma djivina atangû, kayam ang pleî agu ma murguli ma a pum malo d’a a yat ala Asera-d’a woi kur ambas manga. Ang tin hurung á halam mi.

2 Sunda Hamuleinid’a 20:33

Wani mi to nga yima nding ma a tinim iram vama woi d’i. Kayam ndata, suma a tin nga huruzi yam Alona habuyozi ngolona tetet ti.

2 Sunda Hamuleinid’a 30:19

yam suma pet suma a tin huruzi yam ang Ma didina Alona habuyozi ngolona suma a mbut nga tazi yed’et d’igi gata de yam yed’eta na d’uo na.

Zla d’a d’ogolâ 16:1

Sana nga mi nga hurum á le va, wani ni Ma didina ba, mi ndak vun zla ndata.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Wana ni Zla d’a Djivi d’a Luc mi b’irita 4:8

Jesus mi hulong dum ala: A b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Jean 4:24

Alona ni muzu’â. Sumala a kud’uromu na, mbeî a kud’uromî kur muzu’â ki gagazid’a mi.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 13:4

Agi zlabagi darigïd’a ki Ma didina Alo magina, agi lum mandaramu, agi ngomogi vun ma he mama, agi gagi yagi kä ad’u zla mamba. Ni mam ba, agi kud’uromu, agi reyêgi tagi ki sed’em mi.

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Josue 13:31

Abo azì ma Galät-na ki Astarot ki Edrei nazì ma nglo ma kur leud’a hi Ok amul ma Basan-nina, azì máma a humî mabo andjafâ hi Makir ma Manase goromina.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Josue 24:23

Ata yi máma Josue mi dazi ala: Ki tchetchemba, agi tchugugi alo ma ding ma nga adigagina woyo, agi mbud’ugi hurugi yam Ma didina Alona hi Israel-lîna.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Suma ka sariyad’a 2:11

Israel-lâ a nde le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ.

Suma ka sariyad’a 2:13

A ar Ma didina woyo, a nga kud’or alo ma a yum ala Bäl-lâ kalo d’a a yat ala Asera-d’a mi.

1 Samuel 31:10

Azi tchuk ahle suma sïna hi Saul-lâ kur gonga halo d’a a yat ala Astarte-d’a, azi b’alam mad’am akulo ata gulumun ma Bet-San-na.