1 Samuel 7:10 - Bible azumeina

¹⁰ Wani ata yima Samuel nga mi he vama ngat buzu ma ngala mi Ma didina tua na, Filistê-na a mba go á ngruf Israel-lâ. Wani kur bur máma Ma didina mi breyêzi ad’enga. Azigar suma Filistê-na a nde tcha tata, a wet ringâ avok Israel-lâ.

1 Samuel 7:10 Kruisverwysings

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.

Sawal la giled’a 29:3

Dela hi Ma didinid’a nga d’i zlakulo yam mbina ngungur, Alo ma subura nga mi breî alo ma breîd’a, Ma didina nga mi te yam mbiyo ma nglona.

Sawal la giled’a 29:4

Dela hi Ma didinid’a nga d’i ngir kä kad’enga ngingir, dela hi Ma didinid’a nga d’i tak subur mamba woyo,

Sawal la giled’a 78:66

Mi dik mam suma djangûna a ringâ, a mbut zulona ki irazi fafat.

Gat ta a hat á mbàd’id’a 28:7

Fata magi suma djangûna a tchol dur ayîna ki sed’egid’a, Ma didina mba mi hagi ad’enga á kus kaziya. Azi a mba mba atagi á durâ ni kur lovot ta tud’a, wani azi mba ring avorogi ni ki lovota teteng kid’iziya.

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

Suma ka sariyad’a 4:15

Ma didina mi ndjoî Sisera ki pus mama ki sum mama ki mbigeu d’a fiyaka woi vivreng avok Barak. Sisera mi yak asem mbei kur pus mama, mi ring kasemu.

Suma ka sariyad’a 5:20

Tchitchiu d’a akulod’a nga d’i dur ayîna, kur tit mata nga d’i dur ayîna ki Sisera.

Suma ka sariyad’a 5:8

Azi man alo ma dingâ teteng. Ata yi máma ayîna mi tchola. Israel-lâ 40.000 pî, ang nga we mbarei d’oze asap abozi d’uo mi.

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 14:15

Suma kur kangîna pet ki suma nga woi abuna kablaud’a hi suma pet a nga zlaga. Azigar suma a nga ngom yinina ki azigar suma a i á b’lak yinina a zlak mi. Andagad’a yira; azi le mandarâ ngola.

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.

1 Samuel 7:11

Azigar suma Israel-lâ a buzugï woi Mispa, a dik Filistê-na gak a mba ad’u Bet-Kar, a tchazi ngola.