1 Samuel 5:10 - Bible azumeina

¹⁰ Ata yi máma na wat, azi hle zandu’â hAlonina, a im Ekron. Wani kid’a azi mbamza Ekron-nda, suma Ekron-na a tum siwela gandjau, a dala: A mba ki zandu’â hAlona hi Israel-lîna avo hatei ka hî ná tchï woi ki sum meina!

1 Samuel 5:10 Kruisverwysings

2 Samuel 7:9

An nga ki sed’eng ata yima lara ma ang i kuana, an tchi mang suma djangûna woi avorong pet, an mbud’ung simiyêng ngola d’igi simiyê suma nglo suma a nga yam andagad’a ka hina na.

2 Amuleina 1:2

Bur tu amulâ Ahaziya mi nga avo Samari kur gong mam mba yam ndrata akulod’a, mi tchoï ir fenetred’a, mi nde kä, mi dak ngola. Ata yi máma mi sun suma kur azì ma Ekron-na, mi dazi ala: Agi i djobogi Bäl-Zebup alo ma Ekron-na ala na ni kur dak ndata, an mba ni tchol akulo, d’oze ni tchol luo zu?

1 Sunda Hamuleinid’a 7:21

Tahat mi vut Zabat, Zabat mi vut Sutela. Efraim mi vut Ezer ki Elat mi. Suma hi Gat suma a vud’uzi kur ambasina, a tchaziya, kayam azi i á yo d’uwar mazina.

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.

Josue 15:11

Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.

Josue 15:45

Ekron kazì mat ma nglo ma nguyutna kazì mat ma gureina mi,

Suma ka sariyad’a 1:18

Suma hi Juda-na a hlazì ma Gaza-na kandaga mamba, azì ma Askalon-na kandaga mamba, azì ma Ekron-na kandaga mamba mi.

1 Samuel 17:52

Azigar suma Israel-lâ ki suma Juda-na a nde sor sor ra ayîna, a digizi gak a izi avun azì ma Gat-na ki ma Ekron-na. Suma Filistê suma a fe dakina a bo kur lovot ta Särayim-mba gak Gat ki Ekron.

1 Samuel 5:11

A sun a yï amulei suma Filistê-na, a dazi ala: Agi sunugi zandu’â hAlona hi Israel-lîna yam ambas mamba; ar mi tchï woi ki sum meina d’i. Kayam Ma didina tamba nga mi ngoboziya, a nga tcha tata á matna hur azina.

1 Samuel 5:9

Wani kid’a azi mbaza ki zandu’â avo d’a, Ma didina mi ngop suma avo hur azinina, gugureina ki suma nglona, mi tumuzi ki tugud’ei d’a a yat ala emorota; azi nde tcha tata.

1 Samuel 6:1

Zandu’â hi Ma didinina mi le tilâ kid’iziya yam ambas sa Filistê-d’a.