1 Samuel 3:11 - Bible azumeina

¹¹ Ma didina mi de mi Samuel ala: Gola! An mba ni le va aduk Israel-lâ; nge nge pî ma mba mi hum zla ndatina mba mi mungôra.

1 Samuel 3:11 Kruisverwysings

2 Amuleina 21:12

Ni kayam ndata ba, Ma didina Alona hi Israel-lîna mi dala: An mba ni mba ki ndaka ngola yam suma Jerusalem-ma ki suma Juda-na pet tala sama lara ma mba mi humutna mba d’i ngelem humam mbei megegu d’a.

Wana ni mbaktumba hi Job-pa 41:9

Ereseu mamba nga d’i b’o yina, iram nga d’i b’o d’igi yima fo ma yorogona na.

Isai 28:19

Yorogo d’a lara ge andjege ki faleya, ata yima lara ma ti mba d’i kalâ, mba d’i vagiya. Ni siwel mata go ba, mba d’i mbud’ugi mandarâ!

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Jeremi 19:3

Ang dazi ala: Agi amulei suma Juda-na ki suma a nga kaka avo Jerusalem-ma, agi humugi zlad’a hi Ma didinid’a. Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndaka yam yima wana. Ni ndak ka sama lara ma mi humatna humum mba d’i ngel lei abotna.

Habakuk 1:5

Ma didina mi de mi sum mama ala: Gologi andjaf suma nguyugina, agi mba lagi atchap kayam an mba ni le sunda kur atchogoi magid’a; le sa mi dagizi zlat pî, agi mba hagi gagazid’a kat ti.

Wana ni Zla d’a Djivi d’a Luc mi b’irita 21:26

Suma a mba bo abo mandarâ yam ahle suma a nga mba yam andagad’ina, kayam ahle suma ad’eng suma akulona a mba yira.

Sunda hi suma a sunuzinid’a 13:41

Agi gologiya! Agi suma gologi zlad’a isâ, agi mba lagi atchap, agi mba bagi woyo. Kayam an mba ni le sunda kur atchogoi magid’a, ni sun nda le sama ding mi dagizid’a pî, agi mba hagi gagazid’a kat tuo d’a.

1 Samuel 3:10

Ma didina mi mba, mi tchol gevem mi yum d’igi mi yum avoka na ala: Samuel! Samuel! Samuel mi hulong dum ala: Ang de; an azong mangâ nga ni huma!

1 Samuel 4:10

Suma Filistê-na a nde dur Israel-lâ, a kus kaziya, a tchi azigar suma mayâd’a aduk Israel-lâ 30.000. Israel-lâ a wet ringâ, a i avo hataziya.