1 Samuel 3:1 - Bible azumeina

¹ Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a.

1 Samuel 3:1 Kruisverwysings

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Zla d’a d’ogolâ 29:18

Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.

Isai 13:12

An mba ni mbut suma a arâ akid’eid’a kal lor ra bei zozota ba d’a, kal lor ra Ofir-ra mi.

Ezekiyel 7:26

Ndaka mba d’i mba yam ndrat ndaka, zlad’a mba d’i mba yam ndrat zla d’a dinga mi. A mba hal ahle suma a nde tazi woi ir sumina ata suma djok vuna ki labiyad’a. Suma ngat buzuna a mba we gat tuo d’a, suma nglona a mba fe d’al ma de d’uo mi.

1 Samuel 2:11

Bugol ahle ndazina, Elkana mi hulong avo hatam Rama, wani goroma Samuel mi ar sä avo Silo á le sunda mi Ma didina abo ma ngat buzuna Eli.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.

1 Samuel 2:36

Sama mba mi ar ad’u andjavangâ, mba mi grif kä avok ma ngat buzu máma á fe bege d’a hapa nde, d’oze avu ma mbruka. Mam mba mi dum ala: An nga ni tchenengû, ang han sunda gen suma ngat buzuna nde, kayam an fe ki tena.

1 Samuel 3:15

Samuel mi ar burâ kä gak yina fo, mi mal vun gong nga kud’ora hi Ma didinid’a woyo, mi nga mi le mandarâ á de zla d’a Ma didina mi dumzid’a mi Eli.

1 Samuel 3:21

Ma didina nga mi tak tam mbei kua kua avo Silo; nata yi máma ba, mi tak tam mbei mi Samuel á tagam zla mamba.