1 Samuel 24:8 - Bible azumeina

⁸ Ni ki zla ndata ba, David mi d’el sum mama á le Saul tchod’a. Bugola, Saul mi tchol mi nde woi kur zul ahinad’a, mi i yi mama.

1 Samuel 24:8 Kruisverwysings

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

1 Amuleina 1:31

Ata yi máma Batseba ti grif kä andaga avok amulâ, ti dala: Salana amulâ David, ar va mi lang ngi burâ ki burâ!

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Samuel 20:41

Kid’a gogorâ mi id’a, David mi tcholï iram abo ma sutna, mi tchok yam kä andaga, mi grif kä gigrif yam hindi. Azi ki banama djak a bet tazi kok, a nde tchina; sama tchi ngolina ni David.

1 Samuel 24:7

David mi de mi sum mama ala: Ar Ma didina ngomon á le tcho d’a hina d’a tala an tin abon ata salan ma Ma didina mi tinim amulina d’i. Kayam mam mi ma Ma didina mi tinim amulina.

1 Samuel 24:9

Bugol ndjö David mi nde woi kur zul ahina ndata, mi nde yi Saul ki delem akulo ala: Salana amul mana! Saul mi mbut iram blogomu; David mi tchok yam kä andaga, mi grif kä.

1 Samuel 26:17

Saul mi hum del David, mi dum ala: Ni deleng ang gorona David ko zu? David mi hulong dum ala: Salana amul mana, ni delen anu.

1 Samuel 28:14

Saul mi dat ala: Mi ni nana ge? Ndat ti hulong dum ala: Ni sama mamarâ nga mi djagï woi akulo. Baru d’a ngola nga tchuka atamu. Saul mi wala ni Samuel, mi ge tam kä andaga, mi grif kä.