1 Samuel 2:9 - Bible azumeina

⁹ Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

1 Samuel 2:9 Kruisverwysings

Wana ni mbaktumba hi Job-pa 18:18

A mba digim mbei kur b’od’a á im kur nduvunda, a mba digim mbei yam andagad’a mi.

Wana ni mbaktumba hi Job-pa 40:13

Asogomî d’igi kawei ma murguli ma hleuna na, asok ma pepeyema mi ni d’igi kawei ma murguli ma wurana na mi.

Wana ni mbaktumba hi Job-pa 5:16

Wani suma talala a nga ki hur ma tinda, suma murud’umba a du’î vunazi akulo.

Wana ni mbaktumba hi Job-pa 5:24

Ang mba kak ki halasa avo kur zlub’u manga; fata ang i gol d’uwar mangâ kur kangânid’a, ang mba fumî ata yam tched’imer.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 105:37

Mi buzuk sum mama woi ki kawei ma hapma ki lora oîd’a aboziya. Sa aduk sum mama tu pî mi it nga d’i.

Sawal la giled’a 121:3

Mam mba mi arang aseng mi ka azlard’eid’a d’i; mam ma ngomongâ nga mi bur sen ndi.

Sawal la giled’a 121:5

Ma didina ni ma ngomongâ; mi nga tchola ata bigang nga ndjufa d’igi angus ma kangâ na.

Sawal la giled’a 121:8

Ma didina mba mi ngomong kur i manga ki hulong manga mi, ki tchetchemba, gak didin mi.

Sawal la giled’a 145:20

Ma didina nga mi ngom suma a nga le kama pet, nga mi b’lak suma asa’atna woi pet mi.

Sawal la giled’a 31:17

Ang tin irang kan an azong mangâ djiviya, ang sud’un ndei yam djivi manga.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Sawal la giled’a 94:18

Ata yima an nga ni dala: An nga ni puk kä na, Ma didina, o mang nga didinda nga d’i ndjununu.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Zla d’a d’ogolâ 2:8

á ngom lovota hi suma iratnid’a, á ngom tita hi mam suma d’engzengîd’a.

Zla d’a d’ogolâ 3:26

Kayam ni Ma didina ba, mba mi hang hur ma ade’esâ, mba mi ngomong aseng ngala mi kal kur dauna d’uo d’a.

Ma tchi wala 5:17

Vama an wuma ba wana: Vama djivi ma yam sanina, ni d’ala mi te, mi tche, mi le furîd’a yam sun mam mba lara ge d’a mi lat ki kaud’a yam andagad’a ka hî kur bur ma Alona mi humzi yam andagad’a ka hina d’a. Wana ni wurak mamba.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Jeremi 8:14

Suma Juda-na a dala: Ni kayam me ba, ei arei kaka hina ndje ge? Ei togeya, ei i kur azì ma nglo ma ad’eng ma ngunguna, ei boi sä kua, kayam Ma didina Alo meina nga mi dabei woyo, nga mi hei mbiyo ma tchi matna kayam ei lei tchod’a avoromu.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Nahum 1:8

Wani mba mi b’lak azí ma ngol máma woi kabil ma nga mi sulul lei huhubupma, mba mi dik mam suma djangûna gak mi tchuguzi kur nduvunda.

Sofoni 1:15

Bur máma ni bur ma ayî ma bibiliuna, ni bur ma hohoud’a ki pupuluka, ni bur ma b’lak ahlena, ni bur ma pleî ahlena, ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna mi.

Ndumba 6:24

Ar Ma didina mi b’e vunam kagiya, mi ngomogi mi!

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Gat ta a hat á mbàd’id’a 33:3

Gagazi, Ma didina mi le yam sum mama. Suma mi tinizi irazi vazina pet a nga ni hur abomu, azi nga kaka kä asem á ve zla mamba.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.