1 Samuel 2:7 - Bible azumeina

⁷ Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.

1 Samuel 2:7 Kruisverwysings

2 Amuleina 9:6

Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

1 Sunda Hamuleinid’a 29:12

Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi.

2 Sunda Hamuleinid’a 32:27

Ezekiyas mi mbut sama ndjondjoîna, suma a nga suburum ngola mi. Mi min yima tchuk kawei ma hapma, yima tchuk lora, yima tchuk ahina d’a guzut kal teglesa teteng, yima vo mbul ma his ma afufuîna, yima tchuk mboriyona ki yima tchuk andjaf ahle suma djivi suma kal teglesâ teteng mi.

2 Sunda Hamuleinid’a 32:29

Mi min azì ma nglona teteng, mi min kangâna yam d’uwar ma nglona, yam d’uwar ma gureina mi, kayam Alona mi hum ahlena ngola kal kamu.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 40:12

Andjawam mbad’enga d’igi agu sedrena na, sidei ma giglangâma mi nga zlapa ata yima tuna á hum ad’enga,

Wana ni mbaktumba hi Job-pa 5:11

Nga mi hle yam suma lulumana akulo, nga mi sut suma a nga kur yor tad’ina woi mi.

Sawal la giled’a 102:10

An te butna ni d’igi avuna na, an tche ahlena ni ki simina aduk mi.

Sawal la giled’a 75:7

He ngola mi sanid’a nga d’i tcholï nabo ma yorogona, d’oze abo ma fladegena, d’oze abo ma hur fulîna d’uo mi.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Zla d’a d’ogolâ 22:2

Sama ndjondjoîna ki sama houd’a a ni zlapa ata vama tuna; nala, azi djak Ma didina mi lazi ni mamu.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Jeremi 49:15

Suma Edom-ma, gola! An hulongôgi yagi kä aduk andjaf suma, an mbud’ugi vama gol isâ aduk suma mi.

Ezekiyel 17:24

Hina wani, agu ma abageina pet mba mi wala an ni Ma didina, ni an ba ni hulong yam agu ma fuyogeina kä, ni an ba ni hlagu ma gud’ongeîna yam akulo, ni an ba ni so agu ma d’ufa woyo, ni an ba ni d’uf agu ma so woina mi. An Ma didina ni de zlad’a, an mba ni le sunda kat mi.

Jacques 4:10

Agi gagi yagi kä avok Salad’a, mam mba mi hlagi yagi akulo.