1 Samuel 2:12 - Bible azumeina

¹² Eli groma ni suma zlazi nga d’uo na, a we nga Ma didina d’i.

1 Samuel 2:12 Kruisverwysings

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 22:16

Mi ka sariyad’a hi suma houd’a ki suma hohoud’a ata lovod’od’u. Ni kayam ndata ba, mi kak ki djivid’a. Mi le hina ni kayam we d’a mi wanda d’uo zu?

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Jeremi 9:6

A nga mbut ir taziya. Ni kayam mbut ir mazid’a ba, a noî á hulongî gevenu.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

2 Korente-na 6:15

Na ni Christ mi ndak á le darigïd’a ki Seitan zu? D’oze, sama he gagazid’a ki sama bei he gagazid’a a zlap darigïd’a tu zu?

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

Gat ta a hat á mbàd’id’a 13:14

ar agi djobogi ad’u zla ndata, agi halat ad’ud’u, agi feget ad’ut djiviya, zla ndata ni gagazi zu? Zla ndata ti le nga, sun nda ndjendje ndata ti le nga adigagi gagazi ni,

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Suma ka sariyad’a 2:10

Suma kur atchogoi ndatina pet a bo, a i ad’u abuyozi ngolo suma a bona. Suma a vrak blogozi kur atchogoi d’a dingina, a we nga Ma didina d’oze sun nda mi ndagat vunat yam Israel-lîd’a d’uo mi.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

1 Samuel 25:17

Ki tchetchemba, ndak we zla ndata, ndak we vama ndak luma. Bei aboina ba, b’laka mba d’i mba yam saleina ki sum mama pet. Mam mbei ni sama asa’at ma sa ndak á dum zla d’a hina d’a d’uo na.

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.

1 Samuel 3:7

Samuel mi we nga Ma didina d’uo tua, kayam Ma didina mi dum nga zlad’a d’uo tua mi.