1 Samuel 16:1 - Bible azumeina

¹ Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:1 Kruisverwysings

1 Amuleina 8:16

Dedei d’a an buzugï Israel-lâ sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i. Wani an manang ang David á tamula yam man suma Israel-lâ.

2 Amuleina 9:1

Bur tu Elise ma djok vun Alona mi yi gor azongâ tu aduk adesâ hi suma djok vunina, mi dum ala: Ang min tangû, ang hle gugur ra mbulâ abongû, ang i kur azì ma Ramot ma Galät-na.

2 Amuleina 9:3

ang hle gugur ra mbulâ, ang vom mbulâ kamu, ang dum ala: Gola! Ma didina mi dala: An vong mbulâ kang á tining amula yam Israel-lâ. Bugola, ang mal vun gonga woyo, ang zot ringâ, ang tchol aduk ki.

2 Amuleina 9:6

Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

1 Sunda Hamuleinid’a 11:3

Ni hina ba, nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron, a vom mbulâ kam á tinim amula yam Israel-lâ d’igi Ma didina mi de zlad’a avun Samuel na.

1 Sunda Hamuleinid’a 28:4

Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.

Jeremi 11:14

Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 6:30

Suma a mba yazi ala Kawei ma hap ma a golom isâ, kayam Ma didina mi noyôzi woyo.

Jeremi 7:16

Ma didina mi dala: Ang Jeremi, ar ang tchenen yam sum ndazina d’i. Ar ang mal vunang á tchi d’oze á tchenen kazi d’oze á tchenen tchen nda hud’a kazi d’uo mi, kayam an nga ni humung ngi.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Romê-na 15:12

Isai pî mi dala: Sideina hi Jesse-na mba mi mba, mba mi te yam andjaf suma dingâ, a mba tin huruzi kam mi.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

1 Samuel 15:26

Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.

1 Samuel 15:35

Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.

1 Samuel 16:15

Azungeîna hi Saul-lâ a dum ala: Gola! Muzuk ma tcho ma tcholï ata Alonina nga mi lang ndaka.

1 Samuel 16:23

Wani ata yima muzuk ma tcho ma tcholï ata Alonina mi mba wa yam Saul-lâ, David mi hlading mama, mi nde mi bumu. Hina wani, Saul tam mbi tuga, muzuk ma tchona mi aramu.

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

1 Samuel 9:16

Avin aboina hina dedege, ang mba ngaf ki sama Benjamin-na. Ang vom mbulâ kam á tinim amula yam man suma Israel-lâ, kayam mi pad’azi woi abo suma Filistê-na. Kayam sum mana a yan ala an ndjunuziya, an we ndak mazid’a mi.