1 Samuel 14:3 - Bible azumeina

³ Ma ngat buzu ma nga ata yi mámina ni Ahiya Ahitup goroma, mi nga ki baru d’a efod’a atamu. Mam mi Fines gorom ngolona. Ni Eli ma ngat buzu ma nga avo Silo adjeuna gorom ngolo ma mbàna. Ikabot ni Ahiya abum wiyema. Wani aduk azigarâ sa we nga ala Jonatan mi iya d’i.

1 Samuel 14:3 Kruisverwysings

1 Samuel 1:3

Bizad’a ki bizad’a Elkana nga mi tchol avo Rama á i avo Silo á kud’or Ma didin ma ad’engêm kal petna, á hum ahle suma ngat buzuna mi. Wani Eli ma ngolâ hi suma ngat buzuna mAlonina groma nga mbà; ma hina a yum ala Hofni, ma mbàna a yum ala Fines mi. Azi ni suma ngat buzuna hi Ma didinina avo Silo.

1 Samuel 14:36

Saul mi dazi ala: Ei i ata Filistê-na andjege d’a wanda, ei i hurumuzi gak yina fo mbeî, ei arei sa karid’a d’i. Azigar mama a hulong dum ala: Ang lahlena pet suma ang hurung minizina. Wani ma ngat buzuna mi dazi ala: Ei djobei Alona tua.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.

1 Samuel 22:20

Sama dingâ tu simiyêm ala Abiyatar ni Ahimelek gorom ma Ahitup gorom ngolonina, mi sud’a, mi ring mi i bugol David.

1 Samuel 4:21

Ti yum ala Ikabot, nala, Subura hAlonid’a ti wal ki Israel-lâ, kayam Filistê-na a hle wa zandu’â hAlonina, akunotna ki ndjuvut a bo mi.

1 Samuel 4:4

Kayam ndata, a sun suma Silo á hleï zanduk ma vun ma djinda hi Ma didin ma ad’engêm kal pet ma nga kaka yam zlam mam mba amula aduk tcherebê ma lorina nga kuana. Hofni azi ki Fines Eli grom suma mbàna a i ki zanduk máma.