1 Samuel 13:12 - Bible azumeina

¹² Ata yi máma an djib’er ala Filistê-na a mba ndami durâ avo Gilgal bei an le vama le Ma didina tam djivid’ina. Ni kayam ndata ba, an tan hle zla ndata kan á he he d’a hawa d’a ngala.

1 Samuel 13:12 Kruisverwysings

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Amos 8:5

Agi nga dagi ala: Til ma deî awilina mi dap mi mindja ba, ami mba fami lovota á guzumi awu mamina woi ge? Bur ma sabatna mba mi dap mi mindja ba, ami mba malami vun avurei mamina woi ge? Ami mba kami aneka hi kilonid’a woyo, ami mba djogomi gusa avogo, ami mba mbud’umi ir suma ki kilo ma ata yam mbuo na.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

1 Samuel 13:11

Samuel mi dum ala: Ang le ni me ge? Saul mi hulong dum ala: An we azigarâ a aran a nde b’raud’a, ang pî mba nga kur bur ma ang ngama d’i, an we Filistê-na a nga toka avo Mikmas mi.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

1 Samuel 15:12

Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal.

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.

1 Samuel 21:7

Kur bur máma tamba sana aduk azungeîna hi Saul-lâ mi nga tchola avok Ma didina. Ni sama Edom-ma a yum ala Dowek; ni sama ngolâ hi suma pol aho’â hi Saul-lîna.