1 Samuel 12:3 - Bible azumeina

³ Gola! An nga tchola avorogi avok Ma didina kamul ma mam manama wana. Agi dagi woi yam vama tcho ma an lagizina; an vamuhl hi sa d’oze koro hi sa zu? An mbut ir sa zu? An le vama tcho mi sa zu? An ve he d’a hawad’a gumun á duk iran ndei yam zla hi sa zu? Le nga ni, an hulongôgiziya.

1 Samuel 12:3 Kruisverwysings

2 Samuel 22:22

Kayam an nga ni tit kur lovota hi Ma didinid’a an le nga asa’ata avok Alo mana d’i.

Nehemi 5:11

Agi hulongôgi ahle suma agi vazi abozina ini, nala, asine mazina, guguzlu mazid’a, olif mazina kaziyaziya. Ahle suma agi hazizi á mbinina pet, nala, beged’a, awuna, guguzlud’a d’oze mbulâ, ar agi vagi va tu abozi d’i.

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Buzuk ka Abud’a 22:4

Le vama mi kuluma a vum ki sed’em bei tchid’a, le namuhl hloze koro d’oze timina ni, mi wurak yam vama tuna mbàmbà.

Buzuk ka Abud’a 23:8

Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma wäd’u zlad’ina woyo, nga d’i b’lak zlad’a hi suma d’ingêrîd’a woi mi.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Sunda hi suma hi Levi-nid’a 6:4

Bugola, mi fok baru mama woyo, mi tchuk baru ma dingâ atam á yo butna á tchugum mbei bugol kangâ ata yima a tinim iram vam á tchuk butna kuana.

Sunda hi suma hi Levi-nid’a 6:5

Aku d’a nga d’i ngal yam yima ngal ahle suma ngat buzunid’a mba d’i mit tei d’i. Yorogo d’a lara pî ma ngat buzuna mi ndja aguna kad’u, mi tchuk vama a hum he d’a hawa d’a ngalina akulo kad’u, mi ngal mbul vama ngat buzu ma zlap darigïd’a woyo.

Ndumba 16:15

Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

Matiye 22:21

A hulong dum ala: Ni hi Sesar-ra. Mi dazi ala: Agi hagi ahle sumala ni hi Sesar-ru na mi Sesar, agi hagi ahle sumala ni hAlona na mAlona mi.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Sunda hi suma a sunuzinid’a 20:33

An le nga d’od’oka yam beged’a d’oze lor roze baru hi sa d’i.

2 Korente-na 12:14

Ki tchetchemba, an min tan yan á hindid’a á iza hatagiya. An min á tinigi aneka kagi d’i, kayam an halî beged’a abogi d’i, wani an halî agiya. Kayam gugureina a nga tok va yam simiyêzi d’i, wani ni simiyêzi ba, a nga tok ahlena kaziya.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Tasaloni’â 2:5

Agi wagi ala ami dami nga zla d’a lop vun sa d’oze halami nga lem mba fe beged’a yami tu d’i. Alona ni ma glangâs mamina.

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 12:4

Israel-lâ a hulong dum ala: Ang mbut nga ir sa d’i, ang le nga vama tcho mi sa d’i, ang ve nga he d’a hawad’a abo sa gumun á mbut ir sa d’uo mi.

1 Samuel 12:5

Samuel mi hulong dazi ala: Ma didina kamul ma mam manama ni suma glangâsâ kagi ini ala agi fagi nga zla kan ndi. A dala: Nata yad’u, azi ni glangâsâ.

1 Samuel 2:35

Bugola, an mba ni tin ma ngat buzu ma d’engzeng ma mba mi lahlena kur min mandina. An mba ni hum grona á kak suma ngat buzuna burâ ki burâ avok amul ma an manama.

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

1 Samuel 24:6

Bugola, David hurum vum ki zla d’a yam ngat ta mi ngat vun baru d’a ngola hi Saul-lid’a.

1 Samuel 24:7

David mi de mi sum mama ala: Ar Ma didina ngomon á le tcho d’a hina d’a tala an tin abon ata salan ma Ma didina mi tinim amulina d’i. Kayam mam mi ma Ma didina mi tinim amulina.

1 Samuel 26:11

Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.

1 Samuel 26:9

Wani David mi de mi Abisai ala: Ang tchum mbi! Ang we nga d’ala sama tin abom ata ma Ma didina mi tinim amulina, zlad’a nga kamu, d’uo zu?