1 Samuel 10:3 - Bible azumeina

³ Samuel mi dum kua ala: Ang mba iza avok hina nde, ang mbaza ini ad’u agu ma a tinim iram vam ma Tabor-râ, ang mba ngaf ini ki suma hindi suma a nga kal avo Betel á he vama ngat buzuna mAlonina. Ma dingâ tu nga mi tan b’ogeina hindi, ma mbàna mi nga kavungôna abom hindi, ma hindina mi nga kagel la süm guguzlud’a kamu.

1 Samuel 10:3 Kruisverwysings

Ad’u Tinda 28:19

Mi yi yi máma ala Betel. Adjeu a yi yi máma ala Lus.

Ad’u Tinda 28:22

Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.

Ad’u Tinda 35:1

Alona mi de mi Jakob ala: Ang tchola, ang i Betel, ang kak sä kua. Ang min yima ngal ahle suma ngat buzuna mi an Alo ma ni nde tan ndei irang ata yima ang nga ring abo wiyengâ Esau-na.

Ad’u Tinda 35:3

Ei tcholeya, ei i Betel; an i ni min yima ngal ahle suma ngat buzuna mAlo ma mi hulongôn humba ata yima an nga kur ndakina, ni Ma mi nga ki sed’en kur tit manda ata yima lara ge petna.

Sawal la giled’a 89:12

Akulod’a ni manga, andagad’a ni manga mi, duniyad’a ki zlat pet kahle suma kurutna pet, ni ang ba, tinit ad’ud’u.

Jeremi 32:8

Kayam ndata, Hanamel abun ma dingâ goroma mi mba geven kur atrang nga dangeina d’igi Ma didina mi de na. Mi dan ala: An nga ni tchenengû, ang gus asine man ma sä Anatot ma sä yam andagad’a hi suma Benjamin-nid’ina, kayam ang nga ki lovota á mbud’um á hlumu. Ang guzumu. Ata yi máma an wala ni zlad’a hi Ma didinid’a.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 23:13

zlapa ki he d’a hawa d’a afut ta adiged’i d’a a tib’eget ki mbulîd’a ir kilona karagaya he d’a hawa d’a ngal la his sa afufuî d’a avogon an Ma didinid’a zlapa ki süm guguzlud’a lidirâ tu ki nusa mi.

Sunda hi suma hi Levi-nid’a 3:12

Le he d’a hawa mam mba ngat buzuna á zlap darigïd’a ni b’ëd’a ni, mi mbat avogon an Ma didina,

Sunda hi suma hi Levi-nid’a 3:6

Le he d’a hawa mam mba ngat buzuna á zlap darigïd’a, le ni d’uwar ma gor mandjufâ d’oze d’a atchad’a ni, mi he ni ma bei daka ba na.

Sunda hi suma hi Levi-nid’a 7:13

Mi he he d’a hawa mamba ki fangasu ma a lum kangufina, zlapa ki vama ngat buzu ma le mersi ma zlap darigïd’a.

Josue 19:12

Ti kongî Sarit ti hleï abo ma yorogona, ti yoï hagad’a ki Kislot-Tabor, ti i ndeza woi Dabrat, ti djak ti i Jafiya.

Josue 19:22

Ti tinï Tabor, Sahasima ki Bet-Semes, ti i ndeza woi kur alum ma Jurdê-na. Azì ma nglona ni dogo yam karagaya kazì mazi ma gureina mi.

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

Suma ka sariyad’a 20:27

Israel-lâ a djop Ma didina. Nata yi máma ba, zandu’â hAlonina mi nga kua.

Suma ka sariyad’a 4:12

Suma a mba de mi Sisera ala: Barak Abinowam goroma mi mba nga yam ahina d’a Tabor-ra.

Suma ka sariyad’a 4:6

Ti ge sunda ti yï Barak Abinowam goroma ei Kedes-Neftali, ti dum ala: Ma didina Alona hi Israel-lîna mi hang vuna ala: Ang i yo suma ad’u andjafâ hi Neftali-na kandjafâ hi Zabulon-na 10.000, ang i ki sed’ezi yam ahina d’a Tabor-ra.

Suma ka sariyad’a 8:18

Mi djop Zeba azi ki Salmuna ala: Suma agi tchazi yam ahina d’a Tabor-rina a ni nana ge? A hulong dum ala: A hle tazi ni d’igi ang na, nge nge pî mi ni d’igi amulâ goroma na.

1 Samuel 10:4

Azi mba gang depa, a mba hang avungôna mbà; ang vum aboziya.