1 Samuel 1:21 - Bible azumeina

²¹ Bugola, Elkana mi i ki sum mama avo Silo á he vama ngat buzuna mi Ma didina d’igi a nga le kur bizad’a teteu na. Mi i ná ndak vun vama mam hle vunam kama mi.

1 Samuel 1:21 Kruisverwysings

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:6

Ni kua kolâ ba, agi mba hagi he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle magi suma agi hazina, he d’a hawa magi d’a á ndak vun vun ma hled’id’a, he d’a hawa d’a kur minda hi sanid’a zlapa ki d’uwar magi ma nglona ki d’uwar magi ma gurei ma vut avo’â mi.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

1 Samuel 1:3

Bizad’a ki bizad’a Elkana nga mi tchol avo Rama á i avo Silo á kud’or Ma didin ma ad’engêm kal petna, á hum ahle suma ngat buzuna mi. Wani Eli ma ngolâ hi suma ngat buzuna mAlonina groma nga mbà; ma hina a yum ala Hofni, ma mbàna a yum ala Fines mi. Azi ni suma ngat buzuna hi Ma didinina avo Silo.

1 Samuel 2:19

Biza d’a lara pî Samuel asum nga d’i dubum baru d’a gurei d’a atamba ata yima azi ki ndjuvut a nga i kahle suma ngat buzuna avo Silo avun bizad’ina.