1 Pierre 5:5 - Bible azumeina

⁵ Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 5:5 Kruisverwysings

2 Sunda Hamuleinid’a 6:41

Ma didina Alona, ang tchol akulo, ang mbeï ata yang ma tuk tad’a ata yima zanduk mang ma ad’eng manga nga kuana. Ma didina Alona, ar mang suma ngat buzuna a mbut suma d’ingêrâ, ar mang suma d’engzengâ a er ad’uzi akulo ki furîd’a mi.

Wana ni mbaktumba hi Job-pa 22:29

Kayam Alona nga mi b’lak nga hurâ hi sama yam mba ad’engina woyo, wani nga mi ndjun sama mi ge yam kä lulumana.

Wana ni mbaktumba hi Job-pa 29:14

D’ingêra ti ni baru man ma tchuka, sariya man nda ka d’a d’ingêra ni baru man nda ngola ki djum manda mi.

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Sawal la giled’a 132:9

Ar mang suma ngat buzuna a tchuk d’ingêra atazi d’igi suma a tchuk baruna atazi na, ar mang suma d’engzengâ a er ad’uzi akulo ki furîd’a mi.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Zla d’a d’ogolâ 25:7

Hotei a dang ala: Ang mbeï ka hî, kal la a hulongôngî woi kä avok sama ngolâ ata yima ang wum da na.

Zla d’a d’ogolâ 3:34

Nga mi las suma a nga las sumina, wani nga mi ve suma halasa sumad’a.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Wana ni Zla d’a Djivi d’a Luc mi b’irita 22:26

Wani agi lagi na d’i, wani ma ngol ma adigagina, ar mi mbut ni d’igi gogor magina na; ma avogogina, ar mi mbut ni d’igi ma lagi sundina na.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Efes-sâ 5:21

Ar agi gagi yagi kä ad’u tagi d’igi agi gagi yagi kä avok Christ na mi.

Filip-ma 2:3

Ar agi lagi va ki tuguyod’a d’oze ki subur ta d’a hawa yaka d’i. Wani agi gagi yagi kä avok tagiya, ar nge nge pî adigagi mi we ndrama ala mi kalamu.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

1 Timote 5:1

Ar ang ngop sama mamarâ ad’enga kîk ki, wani ang gigid’em d’igi abung na. Ang giget azungeîna d’igi b’oziyongâ na,

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

1 Pierre 4:5

Wani azi mba hulong zla mazi d’a ded’a mAlo ma nga mi min tam á ka sariyad’a yam suma arina ki suma matna mi na.