1 Pierre 5:2 - Bible azumeina

² Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

1 Pierre 5:2 Kruisverwysings

2 Amuleina 12:6

Wani kur biza mam mba dok mbà yam hindi d’a mam tamulid’a, suma ngat buzuna a min nga gonga hi Ma didinid’a yat ma b’lak keina akulo d’i.

Sawal la kal teglesa 1:8

Suma pola a dala: Ndak ka djif aduk aropma heîd’a, ndak le we nga d’uo ni, ndak i tchit asem d’uwar ma gureina, ndak i pol gro ahok ma’â huyok azina hi suma polina.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Isai 6:8

An hum del Ma didina mi dala: Ni nge ba, an sunum ge? Ni nge ba, mba mi i ki zla mamid’a woi abu ge? An hulong dum ala: An wana! Ang sununu!

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 13:20

Ndak Jerusalem, ndak hle irak akulo, gol mak suma djangûna a nga djï abo ma norâ. Suma an haksi abo’â a nga ni lara ge? Sumala ni subur maka na a nga ni lara ge?

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Ezekiyel 34:31

Salad’a Ma didina mi dala: Agi tumiyô mana, agi tumiyô suma kur yi man ma te hatnina, agi ni suma wurana, an nAlo magina mi.

Ezekiyel 46:24

Sa máma mi dan ala: Wana natuguyo suma suma a mba le sunda kur gong nga kud’ora hAlonid’ina a mba yi hliwa ahle suma suma a mba hazi he d’a hawad’a kuana.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Zakari 11:17

Ni zla d’a hohoud’a yam ma pol ma ka zla ma nga mi ar tumiyôna woina. Ar mbigeu d’a fiyaka ti kam bigam mbeyo, ti tchom iram mba ndjufa woi mi, ar bigam mbi tche mogod’a, ar iram mba ndjufa ti duk kei mi.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Romê-na 1:15

Kayam ndata, tan nga d’i lan zlezleû á tchi wal Zla d’a Djivid’a mi agi Romê-na mi.

1 Korente-na 9:7

Azigar ma lara ba, mi i dur ayîna, mi wurak tam ki bege mamba ge? Sama pe guguzlu ma bei tat vud’utna nga zu? Sama pol tumiyôna ma ba bei tchazi ambirizina nga zu?

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

1 Timote 3:8

Hina mi, suma a le sunda mi Tokina a ka’î suma d’engzengâ, suma bei mbàmbàd’a, suma bei gurut ki süma, suma le bei d’od’oka á fe mbiyo ma mbut ira.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 3:1

Ang gazi humazi a ge yazi kä ad’u suma te yamba ki suma ad’enga, a humuziya, a min tazi á le sun nda djivi d’a lara ge pet.

Filemon 1:14

Wani bei djib’er manga an min le va tu d’i, kayam an min djivi manga mbut ni vama an lang kad’enga kat ti, wani ni kur min manga.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.