1 Pierre 3:1 - Bible azumeina

¹ Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,

1 Pierre 3:1 Kruisverwysings

Ad’u Tinda 3:16

Bugola, mi de matchad’a ala: An mba ni hak ndak ka ngola ki wirâ; ndak mba d’i vut grona ni ki ndaka; hina pet pî, min maka mba d’i tchol nata ndjuvugu, mam mba mi te kak mi.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Zla d’a d’ogolâ 18:19

Ad’enga heî á zlap ki wiyeng ma adigei b’lak keina, kal la ang hlazì ma ad’eng ma ngungunid’a, huneî d’a hina d’a ni d’igi vun azì ma kaweina hamulîna na mi.

Matiye 18:15

Jesus mi had’azi kua ala: Le wiyengâ mi lang tchod’a ni, ang i fumu, ang tagam tcho mamba, ang ki mam mbà go. Le mi humungû ni, ang fe wa wiyengâ.

Romê-na 10:16

Wani suma pet a ge nga yazi kä ad’u Zla d’a Djivid’a d’i. Kayam Isai mi dala: Salad’a, ni nge ba, mi he gagazid’a yam zla d’a ami tchat walata ge?

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

Romê-na 7:2

Le atchad’a ti ve mandjufâ ni, gata ti djinit ki ndjuvut kid’a mi nga ki iramba. Wani le ndjuvut mi mid’a ni, ti but wa woi kur djin nda gata ti djinit ki ndjuvuta.

1 Korente-na 11:3

Wani an min ala agi wagi ala Christ ni yam andjofâ pet, mandjufâ ni yam amamba, Alona ni yam Christ mi.

1 Korente-na 14:34

ar aropma a kak kur Toka ki vunazi ma du’â, arazi a de zlad’a d’uo mi. D’igi a b’ir kur gata hAlonid’a na, ar a ge yazi kä.

1 Korente-na 7:16

Ndak kretiyêd’a, ndak we ni ki me ala ndak mba d’i sut ndjuvugu ge? D’oze ang kretiyêna, ang we ni ki me ala ang mba sut amanga mi ge?

Efes-sâ 5:33

Wani zla ndata ni kagi mi. Ar nge nge pî mi le yam amamba d’igi mam tambina. Ar atcha d’a lara ge pî ti he ngola mi ndjuvut mi.

Kolos-sâ 3:18

Agi aropma, agi gagi yagi kä ad’u andjuviyogiya. Hina wani, ni vama djivina avok Salad’a.

Kolos-sâ 4:5

Ar agi tid’igi ki ned’a aduk suma bei he gagazid’ina, ar yina mi kalagi d’i.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 11:8

Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 3:2

kayam azi mba gol tit magi d’a d’ingêra ki ge d’a agi gagi yagi kä d’a.

1 Pierre 3:7

Hina agi andjuveina, ar agi kagagi kamiyôgina ki hud’a. Agi huzi ni kayambala azi nga ad’enga d’igi agi na d’uo d’a hol li, wani kayam Alona mba mi hazi arid’a he d’a hawa d’a zlapa ki sed’egi mi. Le agi lagi hina ni, vama mba d’el tchen magid’ina nga d’i.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?