1 Pierre 2:8 - Bible azumeina

⁸ Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

1 Pierre 2:8 Kruisverwysings

Wana ni mbaktumba hi Job-pa 23:14

Nga mi ndak vun vama mam ngandji kana d’igi nga mi ngom hur mam ma nga ma ding ma tetengâ na mi.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

1 Korente-na 1:23

Wani amiya, ami tchami ni wala Christ ma a b’alam akulo ata agunina. Ir Juif-fâ zla ndata ni vama dap asema, ir andjaf suma dingâ ni vama lilid’a mi.

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Galat-na 5:11

Wani b’oziyona, le an nga ni tchi wala yam bayâ d’a ngata tua ni, ni kayam me ba, a nga djobon vunan ki tchetchemba ge? Le ni na ni, wal la an nga ni tchat yam b’ala hi Christ sa akulo ata agunid’a, nga ni vama dap asema d’uo d’a.

1 Tasaloni’â 5:9

Kayam Alona mi yï woi ná fe ndaka ad’u ayî mama d’i, wani ná fe suta yam Saleina Jesus Christ

1 Pierre 2:6

Alona mi de woi kur mbaktum mamba ala: An nga ni tin ahina d’a djik gonga kur Siyon; ni vama man ma kal teglesa. Sama he gagazid’a katna, zulona mba mi lum mbi.

1 Pierre 2:7

Yam agi suma hagi gagazid’a, ndat nahina d’a guzut kal teglesa iragiya, wani yam suma bei he gagazid’ina, ahina d’a suma djak gonga a gat teid’a, ni d’a mbut ta djik gong nga akulod’a.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.