1 Jean 4:20 - Bible azumeina

²⁰ Le sana mi dala: An le yam Alona, le mi noî wiyema woyo ni, mam mi ma ka zlad’a. Le mi le nga yam wiyem ma mam wum ki irama d’uo ni, ni nana ba, mi le yam Alo ma mam wum nga ki iram mbuo na ge?

1 Jean 4:20 Kruisverwysings

1 Jean 3:17

Le sana nga kahle suma kur duniyad’ina abomu, le mi we wiyema nga kur kid’aka ba, mi duk iram mbei kamu ni, ni nana ba, mi dala mam nga mi le od’a yam Alona ge?

1 Jean 2:9

Le sana nga mi dala mam nga mi tit kur b’od’a, wani le nga mi noî wiyema woyo ni, mi nga ni kur nduvunda tua.

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

1 Jean 2:4

Sama dala: An wumu, wani nga mi ge yam kä ad’u vun ma he mama d’uo na, ni sama ka zlad’a, zla d’a gagazid’a ti nga kurum mbi.

1 Jean 2:11

Wani sama nga mi noî wiyema woina, mi nga ni kur nduvunda, nga mi tit ni kur nduvunda mi. Mam nga mi we yima mi i kuana d’i, kayam nduvunda ti dugum iram mbeyo.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

1 Jean 1:6

Le ei dei ala: Ei nga lei darigïd’a ki sed’emu, wani le ei nga tid’i kur nduvunda tua ni, ei kei ni zlad’a, ei nga tid’i yam gagazid’a d’i.

Jean 13:35

Le agi nga lagi od’a yam tagiya ni, suma pet a mba wala agi ni man suma hata.

1 Jean 1:8

Le ei dei ala: Ei nga ki tchod’a d’uo ni, ei lobei ni teya, zla d’a gagazid’a nga kuri d’i.