1 Jean 1:3 - Bible azumeina

³ Vama ami wamizina, vama ami humumizina, ami nga lagi glangâsâ kam mi, kayam agi lagi darigïd’a ki sed’emiya. Darigï meid’a ni kAbui Alona ki Goroma Jesus Christ.

1 Jean 1:3 Kruisverwysings

Wana ni mbaktumba hi Job-pa 13:1

Job mi de kua ala: Gagazi, ahle ndazina pet an wazi ki iranu, an humuzi ki humanu, an wazi ad’uzi mi.

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 22:22

ang sud’un ndei avun azlo máma, ang sud’un ndei avun adif avun máma mi. Gagazi, ang hum tchen manda!

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Ndumba 10:32

Le ang i ki sed’emiya ni, djivi d’a Ma didina mba mi lamizid’a, ami mba langzi mi ang na mi.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 19:35

Mam ma we na, mi le glangâsâ. Glangâs mama ni gagazi, mi wala mi de ni zla d’a irata mi, kayam agi hagi gagazid’a kad’u.

Sunda hi suma a sunuzinid’a 13:32

Ami mbagi ni Zla d’a Djivi d’a Alona mi hle vunam kat mabuyoi ngolod’a.

Sunda hi suma a sunuzinid’a 13:41

Agi gologiya! Agi suma gologi zlad’a isâ, agi mba lagi atchap, agi mba bagi woyo. Kayam an mba ni le sunda kur atchogoi magid’a, ni sun nda le sama ding mi dagizid’a pî, agi mba hagi gagazid’a kat tuo d’a.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Romê-na 15:27

Azi tazid’a nga huruzi á le hina. Wani gagazi, azi ndak á le ki suma hohou ndazina hina. Le kretiyê suma Jerusalem-ma a b’rau ahle mazi suma djivina hi Muzu’îna kandjaf suma dingâ ni, djivid’a andjaf suma dingâ a ndak á ndjunuzi kahle mazi suma a nga abozina mi.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

1 Korente-na 15:1

B’oziyona, ki tchetchemba, an min gagi humagi yam Zla d’a Djivi d’a an tchagizi walat ta agi vata. He gagazi magid’a nga d’i sira kat ngingring mi.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Filip-ma 1:7

Ni djivid’a an djib’er kagi pet hina, kayam an hurun vagi heî. Kayam agi nga zlapa ki sed’en yam sun nda djivi d’a Alona mi handji ki tchetchemba ata yima an nga kur dangeinina, ata yima an nga hawana, ata yima an nga ni tchi wal Zla d’a Djivid’ina mi.

Filip-ma 2:1

He gagazi magi d’a yam Christ-sa mbud’ugi ad’enga zu? O mamba b’lengêgi hurugi zu? Agi nga lagi darigïd’a ki Muzu’â hAlonina zu? Agi nga wagi hohou tagi ki hat hurâ mi zu?

Filip-ma 3:10

Vama an minima ná we Christ á we ad’enga hi tchol mam mba akulo aduk suma matnid’a kur tit manda, á fe ndaka zlapa ki mamu, á ndjak ki mat mama,

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

1 Timote 6:2

Magumei suma suliyozina a he gagazid’ina, a golozi is ala azi ni b’oziyozina d’i. Wani a le ni sun nda djivi d’a kala, kayam suma a nga fe djivid’a kur sun mazid’ina, ni suma a he gagazid’a yam Alonina, ni suma a le kazina mi. Wana nahle suma ang had’azi kazina, ang tchazi wala kazi mi:

Hebre-na 2:12

Mi dala: Ang Alona, an mba ni dang zlang ngei mi b’oziyona, an mba ni gileng ki sawala aduk toka hi sumid’a.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

2 Pierre 1:16

Kayam ami tid’imi nga ni bugol djudjunda hi suma d’a nga gat kur lem mazid’ina ata yima ami tagagi ad’enga ki mbad’a hi Saleina Jesus Christ-sina d’i. Wani ami ni suma glangâs suma a wami subur mamba ki iramina.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

1 Jean 1:5

Wana ni zla d’a ami humumizi avun Jesus Christ sa ami nga dagizi woid’a mi: Nala, Alona ni b’od’a, nduvunda nga kurum mbi.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.