Markus 1:2 - Suha' Masero

^2-7 Kaheba Mapia indee dipahandu' naonge mampakuhui Yohanes to Pantero' di hao di ongeang makä'däng. Katuhoanna inde Yohanes sinnoa sangngaka-sangngaka nabi ang dolu. Si umpake kaya' ang bulu onta dipapia, anna mesalipi lollo'. Andeanna dianto kakombäng anna duho pangngala'. Didiona inde Yohanes aha tiuki' yaling di Suha' Masero ang natula' Puang Alataala pano di Änä'na, naoatee, ”Itai, kusuo mesa tau napendoluio, anna dianto ang la mampatokaingko lalammu.” Mal 3:1 ”Aha tau kakoha-koha di hao di ongeang makä'däng, naoatee, ‘Patokaingnga' lalang ang la naola Dehata, pamarohoing lalanna.’ ” Yes 40:3 Si ma'tula' inde Yohanes naoatee, ”Pengkatoba'koa' anna behoi kalaemu ditero' anna malai naampungngi kasalaammu Puang Alataala.” Suleing mai'di tau di hao mai di Yudea anna yaho mai di Yerusalem mellambi' pano di Yohanes. Sika ungngakui dosanna dai' di Dehata di olona tau mai'di. Puhai, ya' natero'mi Yohanes di hoi' di Salu Uhai Yordan. Dianto indee ang sika napainsangngi naoatee, ”Ke puhang pengkähängangku la aha sule mesa Tau ang ma'kuasa puha nei' andana kodi'. Tandana keangka' yato Tau, moi la mensabua' pälli'ä' di olona datukä' sihatang.

Markus 1:2 Kruisverwysings