Ghalaaṭiyya 1:4 - Kitaab al Vahd aj Jadid 1978

⁴ Huwa adda nafsu fishaan xaṭaayaana, vashaan yafdiina min az zaman al haaḍir, al baṭṭaal, be ḥasab iraadat Ilaahna wa Abuuna.

Ghalaaṭiyya 1:4 Kruisverwysings

Matta 13:22

Wa_l kaan mazruuv fi wasṭ ash shook, da huwa al bismav al kilma, wa laakin mashghuuliyyat ad dunya wa maḥabbat al maal takuun katiira ḥatta yamnavu_l kilma, wa takuun biduun tamar.

Matta 20:28

Zei maa Ibn al insaan maa ja vashaan an naas yaxdimuuhu, laakin vashaan yaxdim an naas, wa vashaan yaddi nafsu fidaa le naas kutaar.”

Matta 26:28

Vashaan da huwa dammi le_l ittifaag aj jadiid, al yitdaffag le naas katiiriin vashaan yaghfir al xaṭaaya.

Matta 26:42

Wa masha marra taanya wa ṣalla wa gaal, “Yaa Abuui, iza maa fih ṭariiga taanya, illa agbal ash shi at tagiil da, ana raḍyaan be_l inta vaawiz tajiib valeiya.”

Matta 6:9

Vashaan kida ṣallu zei da: Abuuna_l fi_s sama, Xalli ismak yakuun gudduus.

Markus 10:45

Valashaan Ibn al insaan maa ja vashaan an naas yaxdimuuhu, laakin vashaan yaxdim an naas, wa vashaan yaddi nafsu fidaa van naas kutaar.”

Luuga 22:19

Wa axad veesh, wa shakar wa kassar wa adda leehum, wa gaal, “Da jismi al ana addeetu fishaankum. Avmilu da vashaan titzakkaruuni.”

Luuga 22:42

Wa gaal, “Yaa Abuui, iza inta raḍyaan, shiil kubbaayat aḍ ḍiig di minni. Laakin maa iraadati, laakin iraadatak tatimm.”

Yuuḥanna 10:11

Ana huwa_r raavi_ṣ ṣaaliḥ. Wa_r raavi_ṣ ṣaaliḥ yaddi ḥayaatu fishaan al xirfaan.

Yuuḥanna 12:31

Hassav, deenuunat ad dunya di. Hassav birmu ra’iis ad dunya barra.

Yuuḥanna 5:30

Ana maa bagdar avmil shi min nafsi. Zei maa asmav, ana aḥkum. Wa ḥukmi vadiil, vashaan ana maa baṭlub iraadati, laakin iraadat ar rassalni.

Yuuḥanna 6:38

Vashaan ana nazalta min as sama, mush vashaan avmil iraadati, laakin iraadat ar rassalni.

Ruumiya 1:7

Ana baktib le kullukum al fi madiinat Ruumiya. Allaah biḥibbkum wa ixtaarkum vashaan takuunu giddiisiin. Nivma leekum wa salaam min Allaah abuuna wa min ar Rabb Yasuuv al Masiiḥ.

Ruumiya 12:2

Wa maa takuunu zei az zaman da, laakin itghayyaru min juwwa be afkaar jadiida. Fishaan tamtaḥinu iraadat Allaah, iraadatu al kwaisa, wa_l magbuula, wa_l kaamla.

Ruumiya 4:25

Hum sallamoohu le_l moot vashaan xaṭaayaana. Wa Allaah gawwamu vashaan nitbarrar.

Ruumiya 8:27

Wa_l bifattish al guluub biyavrif fikr al Ruuḥ huwa shinu, valashaan ar Ruuḥ yaṭlub fishaan al giddiisiin be ḥasab iraadat Allaah.

Ruumiya 8:3

Allaah vamal al maa gidir yavmilu_l gaanuun, valashaan al gaanuun kaan ḍaviif be sabab aj jisim. Hu daan al xaṭiyya fi_j jisim lamma rassal Ibnu fi ṣuurat jisim al xaṭiyya fishaan al xaṭiyya.

Ruumiya 8:32

Huwa_l maa raḥam vala Ibnu_l maxṣuuṣ, laakin addaahu fishaan kulluna, keef maa yaddiina mavaahu kullu ḥaaja?

1 Kuurintuus 15:3

Vashaan sallamta leekum fi_l awwal al gibiltu ana kamaan, ’innu_l Masiiḥ maat fishaan xaṭaayaana be ḥasab al Kutub.

2 Kuurintuus 4:4

Wa ilaah az zaman da vamal afkaar al maa mi’aaminiin vamyaaniin, valashaan maa bigdaru yashuufu nuur injiil majd al Masiiḥ al huwa ṣuurat Allaah.

Ghalaaṭiyya 2:20

Inṣalabta mava_l Masiiḥ. Wa ana maa baviish taani, laakin al Masiiḥ, huwa biviish fiyya. Wa_l ḥayaat al baviisha hassav fi_j jisim, baviisha fi_l iimaan be Ibn Allaah al ḥabbaani, wa adda nafsu fishaanni.

Ghalaaṭiyya 6:14

Xalliihu yakuun baviid minni ’an afxur be ḥaaja, illa be ṣaliib Rabbana Yasuuv al Masiiḥ al beehu ad dunya inṣalab leiya, wa ana le_d dunya.

Afasus 1:11

Wa fiihu vindana miiraat wa hu ixtaarna fiihu min gubbaal ḥasab tartiibu, huwa al yavmil kullu shi zei fikr iraadatu.

Afasus 2:2

Wa intu masheetu fiiha min gubbaal, ḥasab ṭurug ad dunya di, ḥasab ra’iis sulṭat al hawa, ar ruuḥ al bishtaghil hassav fi_n naas al maa biṭiivu.

Afasus 5:16

Avmilu_l aḥsan be kullu furṣa, valashaan al aiyaam sharriira.

Afasus 5:2

Wa viishu fi_l maḥabba, zei al Masiiḥ ḥabbaana wa adda nafsu vashaan xaaṭirna, tagdima wa ḍabiiḥa le Allaah zei riiḥa kwaisa.

Afasus 6:12

Vashaan maa naḥaarib damm wa laḥam, laakin al ḥukkaam wa_s salaaṭiin wa ru’asaa ḍalaam ad dunya di, wa juyuush ruuḥiyya bitaavat ash sharr fi maḥallaat vaalya.

Fiilibbi 4:20

Wa le Ilaahna wa Abuuna, al majd le_l abad. Aamiin.

1 Tasaluniiki 1:3

wa daaiman nitzakkar vamal iimaankum wa tavb maḥabbatkum wa ṣabr rajaa’kum fi Rabbana Yasuuv al Masiiḥ giddaam Allaah Abuuna.

1 Tasaluniiki 3:11

Wa Ilaahna nafsu, Abuuna, wa Rabbana Yasuuv al Masiiḥ yaguudna fi_ṭ ṭariig leekum.

1 Tasaluniiki 3:13

Vashaan yashaddid guluubkum biduun loom fi_l gadaasa giddaam Allaah Abuuna lamma Rabbana Yasuuv al Masiiḥ biji mava kullu giddiisiinu.

2 Tasaluniiki 2:16

Wa Rabbana Yasuuv al Masiiḥ nafsu, wa Allaah Abuuna, al ḥabbaana wa addaana be nivmatu shujaava abadiyya wa rajaa kwaiyis,

1 Timutaawus 2:6

al adda nafsu fidaa van kullu_n naas, wa di_sh shihaada fi waktu_l muwaafig.

Tiiṭus 2:14

Huwa adda nafsu fishaanna vashaan yafdiina min kullu zanb, wa yanaḍḍif le nafsu naas yakuunu mulku, wa vindahum ghiira le kullu_l avmaal al kwaisa.

Vibraaniyyiin 2:5

Vashaan hu maa xaṭṭ ad dunya aj jaaiya tiḥit al malaaika, ad dunya an niḥna nitkallam vanna.

Vibraaniyyiin 6:5

Wa hum daagu kilmat Allaah at ṭaiba, wa guwwaat az zaman aj jaai.

Vibraaniyyiin 9:14

Wa valashaan da_l ḥagg, kam be_l aktar damm al Masiiḥ vamal leena! Huwa gaddam nafsu le Allaah be_r Ruuḥ al abadi biduun veeb. Wa dammu binaḍḍif ḍamaayirna min al avmaal al meyyita vashaan naxdim Allaah al ḥai.

Yavkuub 4:4

Yaa zaanyiin, maa bitavrifu ḥubb ad dunya vadaawa le Allaah? Aiyi waaḥid vaawiz yakuun ṣaaḥib le_d dunya yabga vadu le Allaah.

1 Buṭrus 2:24

Hu nafsu ḥamal xaṭaayaana fi jismu val_ṣ ṣaliib, vashaan niḥna namuut van al xaṭiyya wa naviish le_l birr. Wa be juruuḥu, hu shafaakum.

1 Buṭrus 3:18

Vashaan al Masiiḥ kamaan maat marra waaḥda fishaan al xaṭaaya, maat al baarr van al muznib vashaan yagarribna le Allaah. Kataloohu fi_j jism, laakin vamaloohu ḥai fi_r ruuḥ.

1 Yuuḥanna 2:2

Wa huwa dafav van xaṭaayaana be ḍabiiḥat nafsu vashaan yaṣaaliḥna mava Allaah. Wa hu dafav van xaṭaaya kullu_d dunya kamaan wa mush van xaṭaayaana bass.

1 Yuuḥanna 3:16

Be da, binavrif al maḥabba, ’an Yasuuv al Masiiḥ adda nafsu vashaan xaaṭirna. Wa waajib valeena ’an naddi nufuusna vashaan xaaṭir al axwaan.

Ru’ya 1:5

Wa min Yasuuv al Masiiḥ ash shaahid al amiin wa_l bikr min been al meyyitiin wa ra’iis muluuk al arḍ. Leehu_l biḥibbna wa addaana al ḥurriyya min xaṭaayaana be dammu.

Ru’ya 5:9

Wa hum yarattilu tartiila jadiida, wa biguulu: “Inta mustaḥigg taaxud al kitaab wa tafikk axtaamu, valashaan kunta maktuul, wa be dammak ishtareet le Allaah min kullu gabiila wa lugha wa shavb wa umma.

Ru’ya 7:9

Wa bavd da vaayanta, wa shuuf! kaanu fih naas kutaar, wa waaḥid maa yagdar yaḥsibum. Wa hum kaanu min kullu_l umam wa_l gabaayil wa_sh shuvuub wa_l lughaat. Wa kaanu waagfiin giddaam al kursi wa giddaam al Ḥamal. Wa hum laabsiin teebaan beeḍa wa fi iideenum furuuv an naxal.