Levitico 8:15 - Ang Pulong Sang Dios

¹⁵ Gin-ihaw ni Moises ang baka kag nagkuha siya sang dugo sini. Gintum-oy niya ang iya tudlo sa dugo kag ginlamhitan ang mga sulosungay sang halaran sa pagtinlo sini. Dayon gin-ula niya ang nabilin nga dugo sa idalom sang halaran. Sa sini nga paagi gindedikar niya ang halaran sa Ginoo para mangin takos ini nga gamiton sa pagtubos sang sala.

Maayong Balita nga Biblia (2012)

¹⁵ Gin-ihaw ini ni Moises kag nagkuha sia sing dugo, kag paagi sa iya tudlo ginhamlit ini sa mga sungaysungay sa mga pamusod sang altar, agod mahalad ini. Dayon gin-ula niya ang nabilin nga dugo sa sadsaran sang altar. Sa sini nga paagi ginhalad niya kag gintinluan ini.

Ang Biblia (1982)

¹⁵ Kag gin-ihaw niya ini, kag ginkuha ni Moises ang dugo, kag ginpalhit ini sang iya tudlo sa mga sungay sang halaran palibut, kag ginpaputli ang halaran, kag ang dugo gin-ula sa tiilan sang halaran, kag ginpakabalaan ini, sa paghimo sing katumbasan tungud sini.

Levitico 8:15 Kruisverwysings