Psalms 82:7 - Die Bybel 2020-vertaling Maar, soos mense sal julle sterf, soos enige leier sal julle val.” Bybel vir almal Maar nou sê Ek: Julle sal sterwe soos mense, julle sal doodgaan soos die mense wat regeer.” Afrikaans 1933-1953 nogtans sal julle sterwe soos mense, en soos een van die vorste sal julle val. Afrikaans 1983 Maar nou, julle sal elkeen sterwe soos 'n mens en aan julle einde kom soos enige maghebber.” Contemporary Afrikaans Bible 2023 Maar julle sal sterf soos mense en val soos een van die vorste. Die Boodskap Maar julle pad gaan gou eindig; julle gaan sterf!” Nuwe Lewende Vertaling Maar nee! Julle sal sterf soos ’n mens, soos enige maghebber sal julle val.” |
Hulle graf is hulle tuiste vir altyd, hulle woning van geslag tot geslag. Hulle noem stukke grond na hulleself,
Sal jy steeds sê, ‘Ek is 'n god’, in die teenwoordigheid van hom wat jou doodmaak, en as jy – 'n mens, nie 'n god nie – in die hande is van hulle wat jou deurboor?
Dit het gebeur, sodat al die ander bome by die water nie in hoogte sou uitstaan en hulle toppe tot tussen die wolke sou stoot nie, en sodat geen bome wat water kry op hulle eie, daar staan in hulle hoogheid nie. Hulle is immers almal vir die dood bestem, in die wêreld daar onder tussen gewone mense, by hulle wat afdaal in die put. ”