Psalms 74:7 - Die Bybel 2020-vertaling Hulle het u heiligdom aan die brand gesteek; tot op die grond het hulle die woonplek van u Naam ontheilig. Bybel vir almal Hulle het u tempel afgebrand, hulle het die plek waar U self gewoon het, afgebreek tot op die grond en hulle het dit ontwy. Afrikaans 1933-1953 Hulle het u heiligdom aan die brand gesteek; tot die grond toe het hulle die woonplek van u Naam ontheilig. Afrikaans 1983 Hulle het u heiligdom aan die brand gesteek, die woonplek van u Naam tot op die grond afgebreek. Contemporary Afrikaans Bible 2023 Hulle het vuur in u heiligdom gegooi, hulle het verontreinig deur die woonplek van u Naam op die grond neer te gooi. Die Boodskap Hulle het die gebou afgebrand waar ons U aanbid. Vroeër, as ons hier gekom het, het dit ons altyd aan U laat dink. Hulle het u woonplek ontwy. Nuwe Lewende Vertaling Hulle het u heiligdom verbrand, die woonplek van u Naam tot op die grond ontheilig. |
En die Here het sy woord wat Hy gespreek het, gestand gedoen, sodat ek in die plek van my vader Dawid opgestaan het en op die troon van Israel gaan sit het, soos die Here gesê het. Ek het die tempel vir die Naam van die Here, die God van Israel, gebou.
Hy het die huis van die Here en die paleis van die koning afgebrand. Al die huise in Jerusalem, ja, elke groot gebou het hy afgebrand.
Hulle het die huis van God afgebrand, die stadsmure van Jerusalem afgebreek, al die stad se vestings verbrand en so alle kosbare voorwerpe daarin vernietig.
'n Altaar van grond moet jy vir My maak, en daarop jou •brandoffers en jou •maaltydoffers, jou kleinvee en beeste slag. Op elke plek waar Ek toelaat dat my Naam genoem word, sal Ek na jou kom en jou seën.
Ons heilige en pragtige •tempel, waar ons voorouers U geloof het, het 'n prooi van vuur geword – alles wat vir ons kosbaar is, het 'n puinhoop geword.
Hy het die huis van die Here, die paleis van die koning en al die huise in Jerusalem, ja, elke groot gebou, afgebrand.
Genadeloos het my Heer al die nedersettings van Jakob verswelg. In sy gramskap het Hy die versterkte stede van die dogter van Juda afgebreek, hulle met die grond gelyk gemaak. Hy het die koninkryk en haar leiers onteer.
Hy het sy woonplek afgebreek soos 'n skuiling in 'n tuin; sy ontmoetingsplek het Hy vernietig. Die Here het fees en Sabbat in Sion vergete laat raak; in die toorn van sy verontwaardiging het Hy koning en priester geminag.
‘Sê vir die huis van Israel: “So sê my Heer, die Here, ‘Kyk, Ek gaan my heiligdom ontheilig, daardie bron van julle verwaandheid, wat so kosbaar is in julle oë en wat die hartstog van julle lewens is. Julle seuns en dogters wat julle daar agtergelaat het, sal val deur die swaard.’
Ek sal die slegste nasies bring, en hulle sal die inwoners se huise in besit neem. Ek sal 'n einde maak aan die trots van sterkes, en hulle heiligdomme sal ontheilig word.
Ek sal julle stede puinhope maak en julle heiligdomme verwoes. Ek sal julle geurige offers nie wil ruik nie.
Die koning het kwaad geword; hy het sy soldate gestuur, daardie moordenaars om die lewe gebring en hulle stad afgebrand.
Slegs by die plek wat die Here julle God uit al julle stamme sal kies om sy Naam daar te vestig as sy woonplek, mag julle na sy wil vra; daarheen moet jy gaan.