Psalms 66:8 - Die Bybel 2020-vertaling Prys ons God, volke; laat die klank van sy loflied opklink – Bybel vir almal Volke, julle moet ons God prys, almal moet hoor hoe julle Hom prys. Afrikaans 1933-1953 Loof, volke, onse God, en laat hoor die stem wat Hom roem — Afrikaans 1983 Prys ons God, alle volke, laat sy lof weerklink! Contemporary Afrikaans Bible 2023 Loof onse God, o volke, en laat die stem van sy lof gehoor word! Die Boodskap Kom, loof ons God, alle volke! Sing kliphard sodat julle lofliedere oral kan weerklink. Nuwe Lewende Vertaling Alle volke, prys ons God en laat sy lof weerklink. |
die geluid van vrolikheid en vreugde, die stem van bruidegom en bruid, die stem van hulle wat sê, “Prys die Here, Heerser oor alle magte, want die Here is goed, ja, vir ewig duur sy troue liefde,” terwyl hulle dank betuig in die huis van die Here. Ja, Ek sal die lot van die land verander om te wees soos voorheen,’ sê die Here.
“Nasies, juig sy volk toe, want Hy gaan die bloed van sy diensknegte wreek; Hy gaan wraak neem op sy teenstanders en versoening doen vir sy grond, sy volk.”
Hierna het ek 'n harde klank gehoor, soos 'n groot skare, wat in die hemel jubel: “Halleluja! Die verlossing, die heerlikheid en die krag behoort aan ons God!