Psalms 135:6 - Die Bybel 2020-vertaling Alles wat die Here behaag, doen Hy in die hemel en op die aarde, in die oseane en alle dieptes. Bybel vir almal Die Here doen alles wat Hy wil doen, in die hemel en op die aarde, in die see en die diep water. Afrikaans 1933-1953 Alles wat die Here behaag, doen Hy, in die hemel en op die aarde, in die seë en al die dieptes. Afrikaans 1983 Alles wat die Here wil, doen Hy, in die hemel en op aarde, in die see, in al die oseane. Contemporary Afrikaans Bible 2023 Alles wat die HERE behaag het, dit het Hy gedoen in die hemel en op die aarde, in die see en al die wêreldvloede. Die Boodskap Hy doen wat Hy wil. Bo in die ruimtes, hier op die aarde, selfs in die see of op enige ander plek doen die Here wat Hy wil. Nuwe Lewende Vertaling Die Here doen wat Hy wil, in die hemel en op die aarde, op die see en in die diepste oseane. |
Die raadsplan van die Here bestaan vir ewig, die planne wat Hy bedink, van geslag tot geslag.
Ek wat van die begin af die afloop aankondig, van lank gelede af dit wat nog nie gebeur het nie; Ek wat sê, ‘My raadsbesluit sal standhou; alles wat Ek wil, sal Ek uitvoer,’
Hulle gaan jou uitdryf, weg van mense af, en by die diere van die veld sal jou woning wees. Soos vir beeste sal hulle jou gras voer. Sewe tydperke sal oor jou heen gaan, totdat jy erken dat die Allerhoogste magtig is oor 'n menslike koninkryk, en dat Hy dit gee aan wie Hy wil.’ ”
Al die bewoners van die aarde word as niks gereken; Hy doen met die hemelse leër en die bewoners van die aarde wat Hy wil. Daar is niemand wat sy hand kan afweer of vir Hom kan vra nie, ‘Wat het U gedoen?’
Ja, kyk, Hy wat die berge vorm en die wind skep, wat aan 'n mens sy beplanning bekend maak, wat die dagbreek duisternis maak, wat trap op die hoogtes van die aarde, die Here, die God wat Heerser is oor alle magte, is sy Naam!
Hy wat in die hemel sy bokamer bou en sy hemelkoepel op die aarde vestig; wat die water van die see roep en dit uitgiet oor die oppervlakte van die aarde – Here is sy Naam.
Jesus het nader gekom en vir hulle gesê: “Aan My is gegee alle mag in die hemel en op die aarde.