2 Samuel 1:1 - Die Bybel 2020-vertaling

Ná die dood van Saul het Dawid teruggekom van sy oorwinning oor die Amalekiete. Dawid het twee dae lank in Siklag gebly.

Bybel vir almal

Nadat Saul gesterf het, het Dawid die Amalekiete oorwin en toe het hy teruggekom. Hy was twee dae in die stad Siklag,

Afrikaans 1933-1953

EN ná die dood van Saul, toe Dawid terug was van die verslaan van die Amalekiete en Dawid twee dae in Siklag gebly het,

Afrikaans 1983

Na die dood van Saul, op die derde dag daarna, het daar onverwags iemand uit Saul se kamp by Dawid aangekom. Dawid was toe al twee dae terug in Siklag na sy oorwinning oor die Amalekiete. Die man se klere was geskeur en daar was grond op sy kop. Toe hy by Dawid aankom, het die man voor hom op sy knieë geval en gebuig.

Contemporary Afrikaans Bible 2023

En dit het gebeur ná die dood van Saul, toe Dawid teruggekeer het van die slagting van die Amalekiete, en Dawid twee dae in Siklag gebly het;

Die Boodskap

Dawid het weer in Siklag aangekom na sy geveg teen die Amalekiete. Dit was net na Saul se dood. Hulle was so twee dae terug in die dorp,

Nuwe Lewende Vertaling

In die tyd na Saul se dood het Dawid teruggekom van sy oorwinning oor die Amalekiete en het reeds twee dae lank in Siklag gebly,

2 Samuel 1:1 Kruisverwysings

Genesis 14:7

Hulle het toe teruggedraai en by En-Mispat – dit is •Kades – gekom en die hele gebied van die Amalekiete verower, en selfs die •Amoriete wat in Gaseson-Tamar woon.

1 Samuel 27:6

Agis het dieselfde dag nog Siklag vir hom gegee. Daarom behoort Siklag aan die konings van Juda; dit is vandag nog so.

1 Samuel 30:1

Toe Dawid en sy manne die derde dag by Siklag aankom, het die Amalekiete 'n strooptog uitgevoer in die Negev en in Siklag. Hulle het Siklag aangeval en afgebrand.

1 Samuel 31:4

Saul sê toe vir sy wapendraer: “Trek jou swaard en deurboor my daarmee, anders kom hierdie onbesnedenes, en deurboor my en martel my.” Maar sy wapendraer wou nie, want hy was angsbevange. Toe vat Saul sy swaard en val daarin.

1 Samuel 31:6

So het Saul, sy drie seuns en sy wapendraer, asook al sy manne, op daardie dag saam gesterf.