2 Konings 3:3 - Die Bybel 2020-vertaling Maar aan die sondes van Jerobeam, seun van Nebat, waarmee hy Israel laat sondig het, het hy vasgeklou. Hy het daarvan nie afgewyk nie. Bybel vir almal Maar hy het aangehou om die sondes te doen wat Jerobeam seun van Nebat gedoen het. Jerobeam het die Israeliete ook daardie sondes laat doen. Afrikaans 1933-1953 Maar hy het die sondes van Jeróbeam, die seun van Nebat, wat Israel laat sondig het, aangekleef sonder om daarvan af te wyk. Afrikaans 1983 Tog het hy volhard in die sondes wat Jerobeam seun van Nebat vir Israel laat doen het; hy het dit nie laat vaar nie. Contemporary Afrikaans Bible 2023 Maar hy het vasgehou aan die sondes van Jeróbeam, die seun van Nebat, wat Israel laat sondig het; hy het nie daarvan weggegaan nie. Die Boodskap Maar hy het nie alles reg gedoen nie. Hy het aangehou om die verkeerde dinge te doen waarmee koning Jerobeam begin het. Nuwe Lewende Vertaling Tog het hy voortgegaan met die sonde van afgodery waarmee Jerobeam die seun van Nebat die volk Israel verlei het. Hy het hom nie daarvan bekeer nie. |
Selfs ná hierdie gebeure het Jerobeam nie teruggedraai van sy verkeerde pad af nie. Hy het weer uit alle dele van die volk priesters vir die offerhoogtes aangestel. Wie ook al wou, het hy as priester gewy, en dan het die persoon een van die priesters van die offerhoogtes geword.
Hy gaan Israel prysgee oor die sondes van Jerobeam, die sondes wat hy gedoen het en waarmee hy Israel laat sondig het.”
ja, omdat jy meer kwaad gedoen het as almal wat voor jou was, en jy gegaan en vir jou ander gode gemaak het, gegote beelde, om My uit te tart, en omdat jy My verwerp het,
Hy het gedoen wat verkeerd is in die oë van die Here. Hy het die pad van sy vader gevolg en het volhard met sy vader se sonde waarmee hy Israel laat sondig het.
Hy het gedoen wat verkeerd is in die oë van die Here. Hy het die pad van Jerobeam gevolg en het volhard met Jerobeam se sonde waarmee hy Israel laat sondig het.
En asof dit maar sommer 'n kleinigheid was om met die sondes van Jerobeam, seun van Nebat, te volhard, neem hy toe as vrou Isebel, dogter van Etbaäl, die koning van die Sidoniërs. Hy het Baäl gaan dien en in aanbidding voor hom gebuig.
Hy het gedoen wat verkeerd is in die oë van die Here. Hy het nie afgewyk van al die sondes waarmee Jerobeam, seun van Nebat, Israel laat sondig het nie. Hy het daarmee volgehou.
Hy het gedoen wat verkeerd is in die oë van die Here. Hy het die sondes nagevolg van Jerobeam, seun van Nebat, waarmee hy Israel laat sondig het; hy het nie daarvan afgewyk nie.
Maar hulle het nie afgewyk van die sondes van die huis van Jerobeam waarmee hy Israel laat sondig het nie. Daarmee het Joagas volgehou. Selfs die asjera het in Samaria bly staan.
Hy het gedoen wat verkeerd is in die oë van die Here. Hy het nie afgewyk van al die sondes van Jerobeam, seun van Nebat, waarmee hy Israel laat sondig het nie.
Hy het gedoen wat verkeerd is in die oë van die Here. In sy hele regeringstyd het hy nie afgewyk van die sondes waarmee Jerobeam, seun van Nebat, Israel laat sondig het nie.
Hy het gedoen wat verkeerd is in die oë van die Here, net soos sy voorvaders gedoen het. Hy het nie afgewyk van die sondes van Jerobeam, seun van Nebat, waarmee hy Israel laat sondig het nie.
Want Hy het Israel van die huis van Dawid afgeskeur, en hulle het Jerobeam, seun van Nebat, koning gemaak. Jerobeam het Israel van die Here af weggedryf en hulle groot sonde laat doen.
Die Israeliete het al die sondes wat Jerobeam gedoen het, nagevolg. Hulle het nie daarvan afgewyk nie,
totdat die Here Israel uit sy teenwoordigheid verwyder het, soos wat Hy by monde van al sy diensknegte, die profete, gespreek het. Israel is van sy grond af weggevoer na Assirië; dit is vandag nog so.
Boonop het Manasse so baie onskuldige bloed vergiet dat hy Jerusalem daarmee van hoek tot kant gevul het. Dit was afgesien van sy sonde waarmee hy Juda laat sondig het deur te doen wat verkeerd is in die oë van die Here.
Selfs die altaar wat in Bet-El was en die offerhoogte wat Jerobeam, seun van Nebat, opgerig het, waarmee hy Israel laat sondig het, selfs daardie altaar en die offerhoogte het hy afgebreek. Hy het die offerhoogte afgebrand, tot stof vergruis en die asjera verbrand.