Kategorie
VERSE OM TE SEËN
Dink net, daar's spesiale mense wat God op jou pad geplaas het, mense wat 'n seën is, mense van wie jy hou. Ons seën hulle in Jesus se naam. Die Bybel is vol verse waarmee ons dankie kan sê en hierdie lewens kan seën. Ons seën nie net hierdie mense nie, maar ook ons familie, ons land en ons broers en susters in Christus.
"Mag die Here jou seën en jou beskerm; mag die Here sy aangesig oor jou laat skyn en jou genadig wees; mag die Here sy aangesig na jou toe draai en aan jou vrede gee." (Numeri 6:24-26). Ons seën ook ons pastore wat deur God gebruik word.
"Want U, Here, seën die regverdige; U omring hom met guns soos met 'n skild." (Psalm 5:13). Ons moet nie net die seën wat goed doen aan ons nie, want God het ons beveel om selfs dié te seën wat ons sleg behandel. "Seën die wat julle vervolg; seën en moenie vervloek nie." (Romeine 12:14).
Here, U moet luister, U moet genadig wees vir my, Here, dit is U wat vir my moet help.
Ek het gehuil en getreur, maar U het my laat dans. U het my rouklere weggevat en my laat feesvier.
Van Dawid. 'n Psalm. Here, ek wil sing oor U wat altyd doen wat U belowe, oor U wat altyd reg oordeel. Ek wil vir U sing.
Al die mense op die aarde, julle moet juig vir die Here, julle moet begin, julle moet sing, julle moet musiek maak.
Julle moet vir die Here musiek maak met liere, met liere en ander musiek,
Julle moet sing vir Hom, julle moet musiek maak vir Hom, julle moet dink oor al sy wonderwerke.
Ek wil aanhou om vir die Here dankie te sê, ek wil Hom prys waar baie mense dit kan hoor,
U jaag hulle weg soos rook wat wegwaai. Die mense wat verkeerd doen, sal voor God verdwyn soos iets wat smelt naby 'n vuur.
“Julle moet die Fees van die Weke vier. Julle moet 'n fees vier wanneer julle die ryp koring begin afsny, en julle moet 'n fees vier aan die einde van die jaar, wanneer julle klaar gewerk het en alles op die lande afgesny het.
“Jy moet sewe weke tel van die dag wanneer julle begin om die koring af te sny met die sekel.
Dan moet julle die Fees van die Weke vier vir jou God die Here. Jy moet self besluit hoeveel offers jy wil bring omdat jou God die Here jou geseën het.
Julle moet hierdie dag altyd onthou. Julle moet dan 'n fees vier om My te eer. Julle nageslag moet ook elke jaar hierdie fees vier.’ ”
Hulle moet 'n nuwe lied sing vir die Here, almal in die wêreld moet Hom prys, die mense op die see en alles in die see, en die mense wat ver van hier langs die see woon.
Julle moet die Here prys! Want dit is goed om vir ons God te sing, ja, dit is lekker en dit is reg om Hom te prys.
Mense van Jerusalem, dan sal julle sing, julle sal sing soos wanneer julle feesvier in die nag. Julle sal sing soos wanneer julle die fluit speel en na die berg van die Here gaan, na die Rots van Israel.
Luister hoe sing die mense wat reg lewe in hulle huise, hulle sing want hulle het gewen. Die Here het sy hand opgetel en Hy het hulle gehelp, Hy het hulle laat wen.
'n Psalm. Om dankie te sê. Almal op die aarde, julle moet juig vir die Here.
Julle moet bly wees en julle moet die Here dien, julle moet voor Hom kom sing.
hulle almal moet die Naam van die Here prys, want sy Naam is belangriker as alles. Hy is Koning van die aarde en die hemel.
Hy het sy volk sterk gemaak. Almal wat in Hom glo, prys Hom. Israel prys Hom, Israel, die volk wat Hom in sy tempel dien. Julle moet die Here prys!
Here, U is my God, ek sal U loof en u Naam prys, want U het 'n wonderwerk gedoen, U het gedoen wat U lank gelede besluit het. U het dit besluit en U het dit gedoen.
Ja, daar is 'n beker in die hand van die Here, en in die beker is wyn wat skuim en daar is baie sterk kruie daarin. Die Here skink die wyn vir die mense wat verkeerd doen, en hulle sal almal daarvan drink, hulle sal die beker heeltemal leeg drink, ook die stukkies wat afsak en onder in die beker lê.
En toe het Hy my opgetrek uit die diep gat vol slym en modder, ek het amper daar gesterf. Hy het my op 'n rots neergesit, my voete kon daar vas staan.
Die woorde van die lied is: “Julle moet vir die Here dankie sê, julle moet sy Naam sê, julle moet vir al die volke vertel wat Hy gedoen het.
Want die Here is groot, mense moet Hom baie prys, hulle moet vir Hóm bang wees, nie vir al die afgode nie.
Julle moet die Here prys, julle moet die Naam van die Here prys. Dienaars van die Here, julle moet Hom prys,
julle wat in die tempel werk en op die oop stukke grond van die tempel van ons God.
Julle moet die Here prys, want die Here is goed, julle moet sing en sy Naam prys, want sy Naam is mooi.
Hy red my van my vyande, Hy laat my staan hoog bo die mense wat teen my is, Hy red my wanneer wrede mense my wil seermaak.
Kom, kom ons sing vir die Here, kom ons juig vir die Rots wat ons altyd red.
Kom ons gaan na Hom toe en sê vir Hom dankie, kom ons sing en juig vir Hom.
Want die Here is 'n groot God, Hy is die Groot Koning oor al die gode.
Ek is 'n mens wat myself nie kan beskerm nie, 'n mens wat seergekry het. O God, U moet my red en my beskerm.
Ek sal dit doen op die oop stuk grond by die tempel, binne-in jou, Jerusalem. Julle moet die Here prys!
Almal weet dat U groot en goed is, hulle moenie ophou praat daaroor nie, hulle moet sing en sê dat U altyd reg doen.
Vir die leier van die koor: Dieselfde musiek soos vir die lied oor die parskuip. Van Asaf.
Julle moet juig, julle moet skree vir die God wat ons beskerm, vir die God van Jakob.
Julle moet musiek maak en op tamboeryne slaan, julle moet mooi musiek maak met liere en harpe.
Toe God na sy tempel gaan, het die mense geskree, hulle het vir die Here die ramshoring geblaas.
Hulle moet vir die Here presente bring uit Egipte, die mense van die land Kus moet hulle hande uitsteek en tot God bid.
Die goewerneur Nehemia, die priester en sekretaris Esra en die Leviete wat die wette vir die mense verduidelik het, het toe vir al die mense gesê: “Hierdie dag is gewy aan julle God die Here, julle moenie huil of treur nie.” Want al die mense het gehuil toe hulle hoor wat die wette sê.
Ek sal vir almal sê wat die Here gedoen het. Die mense wat hulleself nie kan help nie, moet dit hoor en hulle moet bly wees.
Nee, die offer wat jy vir God moet bring, is dit: Jy moet vir Hom dankie sê vir alles. En jy moet doen wat jy belowe het aan My, die Hoogste God.
Toe hulle die muur van Jerusalem wou wy, het hulle die Leviete oral gesoek in die dorpe waar hulle gewoon het. Hulle het die Leviete na Jerusalem gebring. Die Leviete moes die muur wy en hulle moes feesvier, hulle moes die Here prys en musiek maak met simbale, met harpe en met liere.
Julle moet sing wanneer julle bymekaar is, julle moet psalms en gesange en ander liedere sing. Julle moet sing en julle moet die Here prys met julle hele hart.
Julle moet altyd dink aan die goeie boodskap oor Christus. Julle moet soos wyse mense vir mekaar leer en mekaar waarsku om nie verkeerde dinge te doen nie. Julle moet psalms en gesange en ander liedere sing om vir God dankie te sê.
Julle moet die Here prys! Julle moet vir die Here 'n nuwe lied sing, julle moet Hom prys waar die mense bymekaar is wat in Hom glo.
Die mense van Israel moet wys dat hulle bly is omdat die Here hulle gemaak het. Die mense van Sion moet juig omdat die Here hulle Koning is.
Hulle moet dans en sy Naam prys, hulle moet vir Hom musiek maak met die tamboeryn en die lier.
Die Here sê: “Mense van Jerusalem, julle moet baie bly wees en juig, want dit is julle koning wat nou na julle toe kom. Hy is regverdig, en Ek help hom altyd. Hy is nie 'n belangrike man nie, en hy ry op 'n jong donkie.
Toe Jesus naby Jerusalem kom, op die pad wat van die Olyf-berg na onder gaan, was al die mense wat saam met Jesus geloop het, baie bly. Hulle het hard begin skree en hulle het God geprys oor al die wonderlike dinge wat hulle gesien het.
Hulle het geskree: Prys die Man wat kom! Hy is die Koning, die Here het Hom gestuur! Daar is vrede in die hemel, God in die hoogste hemel is Koning!
Party van die Fariseërs wat tussen die mense was, het vir Jesus gesê: “Meneer, jy moet vir jou dissipels sê hulle moet stilbly. Hulle mag nie hierdie dinge sê nie.”
Maar Jesus het vir hulle gesê: “Ek sê vir julle, as hulle stilbly, dan sal die klippe hard skree en dit sê.”
Vir die leier van die koor: Dieselfde musiek soos die lied “Die dood van die seun.” 'n Psalm van Dawid.
Here, ek wil U prys met my hele hart, ek wil vertel van al die wonderlike dinge wat U doen.
Van Dawid. Toe hy by Abimelek was, het hy gemaak of hy mal is, en Abimelek het hom weggejaag.
Ek sal die Here altyd prys, ek sal aanhou sing vir Hom.
Ek sal vir almal sê wat die Here gedoen het. Die mense wat hulleself nie kan help nie, moet dit hoor en hulle moet bly wees.
Vriende, God is baie goed vir julle. Daarom vra ek mooi vir julle: Julle moet vir God dien soos Hy wil hê julle moet Hom dien. Julle moet self offers wees vir Hom. Dit beteken: Julle moet reg lewe, julle moenie sonde doen nie, want julle behoort aan God. Julle moet goeie dinge doen, dinge waarvan God hou.
Julle moenie wees soos die mense van hierdie wêreld nie. Julle moet vir God vra om julle te verander sodat julle die regte dinge sal dink. Dan sal julle dinge doen wat God wil hê julle moet doen, goeie dinge, dinge waarvan Hy hou, dinge wat heeltemal reg is.
My trane is my kos, ek huil elke dag en nag wanneer mense aanhou om vir my te vra: “Waar is jou God?”
Jesus en sy dissipels het 'n lied gesing en die Here geprys, en hulle het uitgegaan na die Olyf-berg.
Maar julle is God se volk, God het vir julle gekies, julle is die priesters oor wie Hy regeer, julle is 'n gewyde volk, sy eie volk wat vir almal moet vertel van die groot dinge wat God gedoen het. Hy het vir julle geroep om uit die donker na Hom toe te kom, na Hom wat in die wonderlike lig is.
Jesus help vir ons, en daarom moet ons aanhou om 'n offer vir God te bring, ons moet Hom prys sodat almal dit kan hoor.
Vir die leier van die koor: 'n Lied, 'n psalm. Al die mense op die aarde, julle moet skree en God prys.
Julle moet sing oor die Naam van die Koning, julle moet die Koning prys.
Julle moet vir God sê: Die dinge wat U doen, laat ons bang word. U is baie sterk, u vyande gaan lê voor U.
Al die mense op die aarde buig en sing vir U, hulle sing oor u Naam. Sela
Julle moet vir die Here 'n nuwe lied sing, al die mense op die aarde, julle moet vir die Here sing.
Julle moet vir die Here sing, julle moet sy Naam prys, julle moet elke dag die goeie nuus bring dat die Here mense red.
Julle moet vir die volke vertel, vir al die volke, julle moet vertel dat die Here Koning is en dat Hy wonderwerke doen.
Van Dawid. Ek wil die Here prys, ek wil sy heilige Naam prys met my hele hart.
Ek wil die Here prys, ek wil nie een ding vergeet wat Hy gedoen het nie.
O God, U moet hulle straf. Die planne wat hulle maak, moet hulle self laat sterf. U moet hulle wegjaag na al die kante toe, want hulle doen baie sonde, hulle is opstandig teen U.
Daarna het Moses en die Israeliete hierdie lied vir die Here gesing. Hulle het gesê: “Ek wil sing vir die Here, want Hy is die Groot God. Hy het die perde en die manne wat op hulle ry, in die see gegooi.
Ek kry my krag by die Here, Hy maak my sterk. Hy het my gered. Hy is my God, en ek sal Hom prys. Hy is die God van my voorvaders, en ek sal Hom eer.
Julle moet sing en vir die Here dankie sê, julle moet vir ons God musiek maak op die lier.
Dit is Hy wat die lug met wolke toemaak, Hy wat die reën vir die aarde gereedmaak, Hy wat die gras op die berge laat groei.
Dit is Hy wat vir die diere hulle kos gee, en ook vir die kraaie se kuikens wanneer hulle skree.
Vir die leier van die koor: Dieselfde musiek soos vir die lied oor die parskuip. Van die Korag-groep. 'n Psalm.
Here, U wat oor alles regeer, ek is lief vir u tempel.
Julle moet die Here prys! Ek wil die Here prys!
Ek wil die Here prys so lank soos ek lewe, ek wil vir my God sing so lank soos ek hier is.
Van Dawid. Here, ek wil vir U dankie sê met my hele hart, ek wil vir U sing sodat al die gode dit kan hoor.
Ek wil buig na u gewyde tempel en ek wil u Naam prys omdat U doen wat U belowe het en omdat U dieselfde bly.
Die mense wat vir U ken, weet dat U sal doen wat U sê, want U los nie die mense wat naby U wil wees nie.
Ek wil dink oor U, die Koning. Almal moet U respekteer en dien oor die wonderlike dinge wat U doen.
Die mense moet bang word vir U wat sterk is, hulle moet daaroor praat, hulle moet vertel dat U groot is.
Almal weet dat U groot en goed is, hulle moenie ophou praat daaroor nie, hulle moet sing en sê dat U altyd reg doen.
Hy sal alles verander vir die mense van Sion wat nou treur. Daar is nou as op julle koppe, maar julle sal blomme op julle koppe hê. Julle treur nou, maar julle sal bly wees en julle sal olyf-olie aan julle smeer. Julle voel nou baie hartseer, maar julle sal sing en fees-klere aantrek. Ander mense sal sê julle, die mense van Sion, is bome wat regtig is soos die Here wil hê hulle moet wees. Die Here het hulle geplant om Hom te eer.
Die priesters wat trompette geblaas het en die mense wat gesing het, het saam begin om die Here te prys en vir Hom dankie te sê. Die priesters het die trompette geblaas en die simbale en die ander musiek-instrumente gespeel. Hulle het die Here geprys en hulle het gesing “Want Hy is goed, ja, Hy doen altyd wat Hy belowe het.” Toe het 'n wolk die tempel toegemaak.
Die priesters kon nie hulle werk doen nie omdat die wolk daar was. Die lig wat om die Koning, die Here, is, het in die hele tempel geskyn.