Kategorie
VERSE OOR GOD
Vriend, dink net: God is jou Skepper, jou Beskermer, jou Voorsiener. Hy is almagtig, genadig, vergewensgesind, en goed.
Deur Sy woord kan jy Hom leer ken. Hy stel belang in jou lewe, Hy is lief vir jou, en Hy het 'n wonderlike plan vir jou.
Selfs voordat dinge gebeur, weet Hy reeds daarvan. Sy liefde is onuitputlik. Soos Jesaja 41:13 sê: “Want Ek is die Here jou God wat jou regterhand vashou, Ek wat vir jou sê: Moenie bang wees nie, Ek help jou.”
Hy is altyd by ons, ons moet net nader aan Hom kom. Hy is die Skepper en Onderhouer van alles, en Hy het die wêreld gered deur sy Seun, Jesus Christus.
Julle moet sing en vir die Here dankie sê, julle moet vir ons God musiek maak op die lier.
Jesus help vir ons, en daarom moet ons aanhou om 'n offer vir God te bring, ons moet Hom prys sodat almal dit kan hoor.
Van Dawid. Toe hy by Abimelek was, het hy gemaak of hy mal is, en Abimelek het hom weggejaag.
En toe het Hy my opgetrek uit die diep gat vol slym en modder, ek het amper daar gesterf. Hy het my op 'n rots neergesit, my voete kon daar vas staan.
Want die Here is groot, mense moet Hom baie prys, hulle moet vir Hóm bang wees, nie vir al die afgode nie.
Al die volke op die aarde sal hoor van die goeie dinge wat Ek vir Jerusalem gedoen het, en hulle sal weet dat Ek trots is op die mooi stad wat my Naam het. Die volke sal skrik en verbaas wees omdat Ek al die goeie dinge doen vir die stad en omdat die mense veilig woon in die stad.”
Nee, die offer wat jy vir God moet bring, is dit: Jy moet vir Hom dankie sê vir alles. En jy moet doen wat jy belowe het aan My, die Hoogste God.
Julle moet deur sy poorte inkom en vir Hom dankie sê, julle moet voor sy tempel kom staan en julle moet Hom prys. Julle moet vir Hom dankie sê, julle moet sy Naam prys.
'n Lied om die Here te prys. Van Dawid. My God, my Koning, ek wil U prys, ek wil u Naam prys, altyd en altyd.
Julle moet sing vir God, julle moet sing, julle moet sing vir ons Koning, julle moet sing,
Dan sal die mense op die aarde weet wat U wil hê, al die volke sal weet dat U hulle wil red.
Almal wat Hom dien, weet dat Hy Koning is, almal in sy tempel weet dat Hy die sterk Koning is.
Maar ek, ek wil my danklied vir U offer. Ek wil doen wat ek belowe het. Die Here het my gered.”
Almal wat Hom dien, weet dat Hy Koning is, almal in sy woonplek is bly, hulle weet dat Hy die sterk Koning is.
Ja, daar is 'n beker in die hand van die Here, en in die beker is wyn wat skuim en daar is baie sterk kruie daarin. Die Here skink die wyn vir die mense wat verkeerd doen, en hulle sal almal daarvan drink, hulle sal die beker heeltemal leeg drink, ook die stukkies wat afsak en onder in die beker lê.
Want die Here is groot, mense moet Hom baie prys, hulle moet bang wees vir Hóm, nie vir al die afgode nie.
Kom, kom ons gaan lê voor Hom, kom ons buig, kom ons kniel voor die Here, Hy wat ons gemaak het.
Want Hy is ons God, ons is sy volk, Hy is ons Herder. Ons is die skape en die bokke vir wie Hy sorg. Julle moet vandag na Hom luister.
Want Jesus sê: Ek sal vir my vriende vertel wat U gedoen het, Ek sal U prys daar waar hulle bymekaar is.
Julle wat reg lewe, julle moet sing oor wat die Here gedoen het. Julle almal wat eerlik lewe, julle moet sing en die Here prys.
Ek kry my krag by die Here, Hy maak my sterk. Hy het my gered. Hy is my God, en ek sal Hom prys. Hy is die God van my voorvaders, en ek sal Hom eer.
Here, wie is soos U? Nie een van die gode nie. Wie kan doen wat U kan doen? Wie is so heilig soos U? Niemand nie. Almal eer U en sing van die wonderlike dinge wat U doen.
Ek prys U, God van my voorvaders, want U het vir my wysheid gegee en U het my sterk gemaak. U het vir my gesê wat ek vir U gevra het. U het vir ons gesê wat die koning gedroom het.”
God is Gees. Daarom moet die mense wat Hom aanbid, vra dat die Gees hulle moet help om God reg te aanbid.”
Ons wil dit nie wegsteek vir hulle nageslag nie, ons wil aanhou om vir die volgende geslag te vertel hoekom hulle die Here moet prys. Ons wil vertel van die Here se krag en van die wonderwerke wat Hy gedoen het.
Daar is nie 'n ander heilige God soos die Here nie, net U is God, daar is nie 'n ander God nie. Daar is nie 'n ander Rots soos ons God nie.
Sing en prys die Here, want Hy het 'n wonderlike ding gedoen. Sê dit vir al die mense op die aarde.
Julle moet die Naam van die Here prys, want Hy is Koning. Julle moet voor die Here buig wanneer Hy verskyn, Hy is heilig.
My trane is my kos, ek huil elke dag en nag wanneer mense aanhou om vir my te vra: “Waar is jou God?”
Dan sal ons, u volk, u eie mense, altyd aanhou om vir U dankie te sê. Ons sal vir elke geslag vertel hoekom hulle U moet prys.
Wanneer 'n mens swaarkry, 'n mens wat homself nie kan red nie, dan het die Here nie gemaak of dit nie belangrik is nie. Hy het nie sy gesig weggedraai van so 'n mens nie, Hy het gehoor toe ek geroep het en gevra het dat Hy my moet help.
Die mense wat vir U ken, weet dat U sal doen wat U sê, want U los nie die mense wat naby U wil wees nie.
Vriende, God is baie goed vir julle. Daarom vra ek mooi vir julle: Julle moet vir God dien soos Hy wil hê julle moet Hom dien. Julle moet self offers wees vir Hom. Dit beteken: Julle moet reg lewe, julle moenie sonde doen nie, want julle behoort aan God. Julle moet goeie dinge doen, dinge waarvan God hou.
Die skaapwagters het teruggegaan. Hulle het God geloof en geprys oor alles wat hulle gehoor en gesien het. Dit het alles gebeur soos die engel vir hulle vertel het.
En ek het gehoor dat iemand by die troon sê: “Julle wat vir ons God dien, julle wat Hom respekteer, julle moet Hom prys, julle almal, kinders en grootmense!”
Dit is seker dat God ons wil laat kom daar waar Hy Koning is, en daarom moet ons dankie sê vir God. Ons is dankbaar, en daarom moet ons vir God dien soos Hy wil hê, en ons moet Hom eer en respekteer,
want ons God is ook soos 'n vuur wat alles verbrand.
Julle moet altyd dink aan die goeie boodskap oor Christus. Julle moet soos wyse mense vir mekaar leer en mekaar waarsku om nie verkeerde dinge te doen nie. Julle moet psalms en gesange en ander liedere sing om vir God dankie te sê.
Julle behoort aan die Here Jesus. Daarom, al die dinge wat julle sê en doen, moet dinge wees wat Hy wil hê, en julle moet vir God die Vader dankie sê. Ja, julle moet vir Christus vra om vir God te sê julle sê dankie.
Jesus het vir die duiwel gesê: “Gaan weg, Satan, want in die Ou Testament is geskryf: “ Jy moet jou God die Here aanbid en net vir Hom dien.”
Julle moet die Naam van die Here prys, julle moet presente bring en na Hom toe kom, julle moet buig voor die Here, die heilige Koning.
Julle mag nie voor 'n ander god buig nie, julle moet net vir My dien. Daarom noem hulle My ‘die God wat wil hê die mense moet net vir Hom dien.’
“Here, ons God, almal moet U eer en prys en sê hoe sterk U is! Ons wil U eer! Ons wil U prys! Ons wil sê hoe sterk U is! Want U het alles gemaak! Ja, U het so besluit, daarom is alles daar, U het alles gemaak!”
Kom, kom ons sing vir die Here, kom ons juig vir die Rots wat ons altyd red.
Kom ons gaan na Hom toe en sê vir Hom dankie, kom ons sing en juig vir Hom.
Alles wat belangrik is, alles wat sterk is, al die lig behoort aan U. Almal weet van U, die Koning in die hemel en op die aarde. Here, U is Koning, U is belangriker as almal en alles.
U maak mense ryk en U gee vir hulle eer, dit is Ú wat oor alles regeer. U is sterk en U kan alles doen, en dit is U wat 'n mens groot en sterk kan maak.
U laat die mense sterf wat leuens vertel, U haat mense wat ander mense vermoor of bedrieg.
Die Here het gesê: “Hierdie volk kom dien My met hulle mond, met hulle woorde. Hulle eer My met die woorde wat hulle sê, maar hulle hart is ver van My. Daarom probeer hulle My dien met wette wat mense gemaak het, dit is nie Ek wat daardie wette gemaak het nie.
As jy gelukkig voel omdat jy aan die Here behoort, dan sal Hy vir jou alles gee wat jy wil hê.
Ek wil naby U wees met my hele hart, U moet keer dat ek nie ongehoorsaam is aan u gebooie nie.
Ek dink altyd aan wat U gesê het, dit keer my dat ek nie sonde doen teen U nie.
Van Dawid. Here, ek wil vir U dankie sê met my hele hart, ek wil vir U sing sodat al die gode dit kan hoor.
Ek wil buig na u gewyde tempel en ek wil u Naam prys omdat U doen wat U belowe het en omdat U dieselfde bly.
Toe God na sy tempel gaan, het die mense geskree, hulle het vir die Here die ramshoring geblaas.
Julle moet sing vir God, julle moet sing, julle moet sing vir ons Koning, julle moet sing,
En al die engele het rondom God se troon en rondom die ouderlinge en rondom die vier diere gestaan. Die engele het gaan lê met hulle gesigte teen die grond en hulle het vir God aanbid.
Hulle het gesê: “Amen! Ons prys ons God! Ons prys Hom, ons Koning! Hy het al die wysheid! Ons sê vir Hom dankie! Ons eer Hom! Hy is baie sterk, Hy kan alles doen! Ons wil Hom altyd prys! Amen!”
Onthou, julle moet God prys met alles wat julle doen, ook wanneer julle eet of drink.
Die serafs het hard vir mekaar gesê: “ Heilig, heilig, heilig is die Here wat oor alles regeer. Hy is oral op die aarde.”
'n Psalm van Dawid, toe hy in die woestyn van Juda was.
O God, U is my God, ek wil naby U wees. Ek verlang na U hier in 'n droë land, hier is nie water nie, en alles kry swaar om te lewe.
Ek het in die tempel na U gekyk, en ek het gesien dat U sterk is en dat U die Koning is. Ek wil dit nou ook weer sien.
Jesus en sy dissipels het 'n lied gesing en die Here geprys, en hulle het uitgegaan na die Olyf-berg.
Ek is 'n mens wat myself nie kan beskerm nie, 'n mens wat seergekry het. O God, U moet my red en my beskerm.
Ek sal sing en die Naam van God prys, ek sal sê Hy is groot en ek sê vir Hom dankie.
Maar Jesus het vir hom gesê: “In die Ou Testament is geskryf: “ Jy moet jou God die Here aanbid en net vir Hom dien.”
Hulle glo nie die waarheid van God nie, hulle kies om hulle eie leuens te glo. God het alles gemaak, maar hulle aanbid en dien die dinge wat Hy gemaak het, hulle aanbid nie vir God nie, God vir wie almal altyd moet prys. Amen.
Here, almal sal U respekteer! Almal sal U eer! Want net U is heilig! Want al die volke sal kom en hulle sal U aanbid! Want almal kan sien U doen altyd wat reg is!”